ە و مەن وداقتاستار ۋكرايناعا قولداۋ كورسەتۋگە دايىن: 19-تامىزدا ۆيدەوكونفەرەنسيا وتەدى
استانا. KAZINFORM - گەرمانيا كانسلەرى فريدريح مەرتستىڭ مالىمەتىنشە، استانا ۋاقىتىمەن ساعات 16:00 دە ەۋروپالىق كەڭەستىڭ ارنايى وتىرىسى وتەدى.
وندا قاتىسۋشىلار ۆاشينگتونداعى كەزدەسۋلەر بارىسىندا جۇرگىزىلگەن تالقىلاۋلاردىڭ بارىسى تۋرالى اقپاراتپەن بولىسەدى، دەپ جازدى Kazinform اگەنتتىگىنىڭ مەنشىكتى ءتىلشىسى ت ا س س- قا سىلتەمە جاساپ.
مەرتستىڭ ايتۋىنشا، بارلىعى 32 مەملەكەت ۋكرايناعا قوسىمشا كومەك كورسەتۋگە دايىن ەكەنىن بىلدىرگەن. ول سونداي-اق ا ق ش پرەزيدەنتى دونالد ترامپ پەن ۋكراينا پرەزيدەنتى ۆلاديمير زەلەنسكيدىڭ اق ۇيدەگى كەزدەسۋى وتە جاقسى وتكەنىن اتاپ ءوتتى.
- كەزدەسۋ وتە ەركىن اتموسفەرادا ءوتتى. ءبىز الداعى كۇندەر مەن اپتالاردا تىعىز ىنتىماقتاستىقتى جالعاستىرۋعا جانە ءبىر-بىرىمىزبەن ودان ءارى كەزدەسۋلەر وتكىزۋگە ۋاعدالاستىق. بۇل - بىرنەشە كەزدەسۋلەر تىزبەگى بولدى. ءبىز وسى باستالىپ كەتكەن باستامانى تابىستى اياقتاۋ ءۇشىن الداعى كۇندەر مەن اپتالاردا وتە تىعىز بايلانىستا بولۋعا كەلىستىك. الدا ءالى كوپ جۇمىس تۇر، ءبىراق ءبىز ونى ورىنداۋعا بەلىمىزدى بەكەم بۋدىق، - دەدى مەرتس دۇيسەنبى كۇنى اق ۇيدە وتكەن كەلىسسوزدەردەن كەيىن جۋرناليستەرگە.
ەسكە سالا كەتەيىك، بۇعان دەيىن اق ۇيدە ترامپ، زەلەنسكي جانە ەۋروپالىق كوشباسشىلار اراسىندا كوپجاقتى كەزدەسۋ وتكەن بولاتىن. كەزدەسۋدىڭ قالاي وتكەنى تۋرالى تولىق اقپاراتتى جوعارىدا وقۋعا بولادى.
بۇل ماتەريال Kazinform اگەنتتىگىنە ت ا س س سەرىكتەستىك نەگىزىندە ۇسىنعان.
ەسكە سالا كەتەيىك، بۇعان دەيىن ترامپ پەن پۋتين زەلەنسكيمەن كەلىسسوزدەن كەيىن نە تۋرالى سويلەسكەنىن جازعان ەدىك.
