ۇ ق ك اتباسار تەمىرجول ستانساسى باستىعىنىڭ ۇستالعانىن راستادى
استانا. KAZINFORM - اتباسار تەمىرجول ستانساسى باستىعىنا قاتىستى «پارا الۋ» بابى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
بەلگىلى بولعانداي، ۇ ق ك اقمولا وبلىسى بويىنشا دەپارتامەنتىنىڭ قىزمەتكەرلەرى اتباسار تەمىرجول ستانساسىنىڭ باستىعى سەرىك قاينيدەنوۆتى وتكەن اپتادا ۇستاعان.
- ۇ ق ك اتالعان تۇلعاعا قاتىستى ق ر ق ك 366- بابى بويىنشا سوتقا دەيىنگى تەرگەۋ امالدارىن جۇرگىزىپ جاتىر. ق ر ق پ ك 201-بابىنىڭ 1-بولىمىنە سايكەس وزگە اقپارات جاريالاۋعا جاتپايدى، - دەلىنگەن ق ر ۇ ق ك Kazinform رەداكسياسى ساۋالىنا جاۋابىندا.
كەيبىر اقپارات قۇرالدارى تەمىرجول ستانساسى باستىعىنىڭ ۆوكزالعا كىرەبەرىس جولعا يەلىك ەتەتىن جەكە كومپانيا باسشىسىنان 6 ميلليون تەڭگە پارا الىپ جاتقان جەرىندە ۇستالعانىن حابارلادى.
سونداي-اق ۇستالعان ازامات ەشقايدا كەتپەۋ تۋرالى ءتىلحات بەرىپ بوساتىلعانى ايتىلدى. الايدا ۇ ق ك رەداكتسيا ساۋالىندا كورسەتىلگەن بۇل دەرەكتەردى راستاعان جوق، جوققا دا شىعارمادى.
بۇعان دەيىن قازسەلدەن قورعاۋ ش ق و فيليالىنىڭ باسشىسى 2,7 ميلليون تەڭگە جىمقىرعانىن جازعان بولاتىنبىز.
