ەڭ جوعارعى جىلدىق ينفلياتسيا استانا قالاسىندا تىركەلدى

استانا. قازاقپارات - 2025-جىلىدىڭ ءساۋىر ايىندا قازاقستاندا جىلدىق ينفلياتسيا جەدەلدەپ 10,7 پايىز (ناۋرىزدا - 10,0 پايىز) بولدى. وسىلايشا جىلدىق ينفلياتسيا قارقىنى ەلىمىزدىڭ 18 وڭىرىندە بايقالادى. 1 وڭىردە باياۋلاپ، تاعى 1 وڭىردە بۇرىنعى دەڭگەيدە ساقتالدى.

جىلدىق ينفلياتسيانىڭ 13,8 پايىزدىق ەڭ جوعارى ءمانى استانا قالاسىندا تىركەلدى.

ساۋىردە ازىق-تۇلىك تاۋارلارىنىڭ باعاسى ج/ج 8,5 پايىزعا (ناۋرىزدا - 7,6 پايىز) دەيىن جەدەلدەدى. وسى توپتاعى تاۋارلاردىڭ باعاسى اقمولا وبلىسىندا (11,2 پايىز) ايتارلىقتاي جوعارى ءوسىم كورسەتتى. ال قىزىلوردا وبلىسى مەن الماتى قالاسىندا(6,8 پايىزدان) تومەن ءوسىم بايقالدى.

ساۋىردە ازىق-تۇلىككە جاتپايتىن تاۋارلار باعاسىنىڭ ءوسۋ قارقىنى ج/ج 8,9 پايىزعا (ناۋرىزدا - 9,1 پايىز) دەيىن باياۋلادى. ەڭ جوعارى ءمان تۇركىستان وبلىسىندا (14,8 پايىز)، ەڭ تومەنگى ءمان پاۆلودار وبلىسىندا (5,9 پايىز) تىركەلدى.

ساۋىردە اقىلى كورسەتىلەتىن قىزمەت باعاسى ج/ج 15,7 پايىزعا (ناۋرىزدا - 14,3 پايىز) دەيىن جەدەلدەدى. سونىمەن قاتار، الماتى قالاسىندا (20,0 پايىز) باعا جالپى رەسپۋبليكالىق دەڭگەيدەن جوعارى، پاۆلودار وبلىسىندا (8,6 پايىز) ايتارلىقتاي تومەن ءوسىم كورسەتتى.

ساۋىردە ايلىق ينفلياتسيا ەل بويىنشا 1,2 پايىز بولدى.

ايتا كەتەيىك، 2024-جىلعى قىركۇيەكتە تۇتىنۋ باعالارىنىڭ ايلىق يندەكسى باياۋلاپ 0,4 پايىز جەتكەنى تۋرالى جازعانبىز.