ۇ ب ت-2024: تالاپكەرلەر بيولوگيا- حيميا كومبيناتسياسىن ءجيى تاڭداي باستادى

استانا. KAZINFORM - بيىل ۇبت تاپسىرمالارى وزگەرىسسىز قالدى، كەيىنگى بىرنەشە جىلدا العاش رەت تالاپكەرلەر ەڭ كوپ تاڭدايتىن بەيىندىك پاندەر كومبيناتسياسى وزگەردى. بۇل تۋرالى ق ر عىلىم جانە جوعارى ءبىلىم مينيسترلىگى ۇلتتىق تەستىلەۋ ورتالىعىنىڭ ديرەكتورى بولاتبەك ابدراسيلوۆ ايتىپ بەردى.

تالاپكەرلەر ءۇش مىندەتتى جانە ەكى تاڭداۋ بويىنشا ەكى پاننەن تەست تاپسىرادى. ۇ ب ت تاپسىرمالار سانى وزگەرىسسىز قالادى، جالپى 120 سۇراققا 4 ساعات بەرىلەدى.

«كومبيناتسيالارعا كەلەتىن بولساق، قازىرگى تاڭدا تالاپكەرلەردىڭ %16 ى «ماتەماتيكا- فيزيكا» ، %16 دان استامى «بيولوگيا- حيميا»، %13 ى «شىعارماشىلىق»، %11 ى «ماتەماتيكا- ينفورماتيكا» پاندەرىن تاڭدادى. كەيىنگى بىرنەشە جىلدا العاش رەت تالاپكەرلەر ەڭ كوپ تاڭدايتىن بەيىندىك پاندەر كومبيناتسياسى وزگەردى. ول - «بيولوگيا- حيميا»، - دەدى بولاتبەك ابدراسيلوۆ و ك ق الاڭىندا وتكەن باسپا ءسوز كونفەرەنسياسىندا.

ايتا كەتەيىك، قازاقستاننىڭ 14 وڭىرىندە نەگىزگى ۇ ب ت باستالدى. ال سۋ تاسقىنى بولعان 6 وبلىستا ۇ ب ت 25-مامىر-12-شىلدە كۇندەرى وتەدى.

بيىل 181 مىڭ تالاپكەر تەستىلەۋگە قاتىسۋعا نيەت بىلدىرسە، ولاردىڭ باسىم بولىگى، ياعني %75 ى ۇبت- نى قازاق تىلىندە تاپسىرۋدى تاڭداعان. %25 عا جۋىق تۇلەك ورىس تىلىندە، 221 ادام - اعىلشىن تىلىندە تەست تاپسىرۋدى ۇيعارعان.

اۆتور
ايجان سەرىكجان قىزى