سولتۇستىك قازاقستاندا ءبىر جىل ىشىندە ايەلىن ەكى رەت بالاعاتتاعان ەر ادام قاماۋعا الىندى

پەتروپاۆل. KAZINFORM - سولتۇستىك قازاقستان وبلىسىندا ايەلىن بالاعاتتاعان ەر ادام 10 تاۋلىككە قامالدى.

س ق و سوتىنىڭ مالىمەتىنشە، اكىمشىلىك قۇقىق بۇزۋشىلىق تۋرالى ءىستى قىزىلجار اۋداندىق سوتى قارادى. س. ايەلىن بۇعان دەيىن دە بوقتاپ، جامان سوزدەر ايتقان. سول ءۇشىن جازاسىن تارتقان. الايدا ءبىر جىل وتپەي جاتىپ، ەر ادام ۇيىندە وتىرىپ، ايەلىنە تاعى اۋىر سوزدەر ايتىپ، جانجال شىعارعان.

تەرگەۋ بارىسىندا س. ءوز كىناسىن مويىنداپ، ايەلىمەن سوزگە كەلىپ قالعانىن، اشۋعا بۋلىعىپ، بالاعات ءسوز ايتقانىن ءتۇسىندىردى.

سوتتا ونىڭ كىناسى تەرگەۋ ماتەريالدارى، اكىمشىلىك حاتتاما مەن بۇرىنعى جازالارىنا قاتىستى دەرەكتەرمەن تولىق دالەلدەندى. وسىلايشا سوت ونى ق ر اكىمشىلىك قۇقىق بۇزۋشىلىق تۋرالى كودەكستىڭ 73-بابى 2-ءبولىمى بويىنشا كىنالى دەپ تانىپ، 10 تاۋلىككە اكىمشىلىك قاماۋعا الۋ جازاسىن كەستى. سونىمەن قاتار وعان الكوگولدى ىشىمدىك، ەسىرتكى مەن پسيحوتروپتىق زاتتاردى قولدانۋعا تىيىم سالىندى.

اۆتور

اقەركە داۋرەنبەك قىزى