سولتۇستىك قازاقستان وبلىسىندا تاعى ءبىر اۋىل ىشىمدىكسىز ءومىر سالتىن تاڭدادى
استانا. KAZINFORM - سولتۇستىك قازاقستان وبلىسىندا تاعى ءبىر اۋىل ىشىمدىكسىز ءومىر سالتىن تاڭدادى.
Polisia.kz-تىڭ حابارلاۋىنشا، سولتۇستىك قازاقستان وبلىسىنىڭ كارتاسىندا الكوگولدەن تولىقتاي باس تارتقان تاعى ءبىر اۋىل پايدا بولعان. بۇل - پەتروپاۆل قالاسىنان شامامەن 115 شاقىرىم شىعىستا ورنالاسقان سۇلىشوق اۋىلى.
جەرگىلىكتى پوليتسيانىڭ مالىمەتىنشە، مۇندا ماس كۇيىندە جاسالعان قىلمىستار مەن قۇقىق بۇزۋشىلىقتار مۇلدە تىركەلمەگەن.
ماعجان جۇمابايەۆ اۋدانى ۋسپەن اۋىلدىق وكرۋگىنە قاراستى سۇلىشوق اۋىلى اۋدان ورتالىعى بۋلايەۆتان 25 شاقىرىم جەردە ورنالاسقان. اۋىلدىڭ حالقى - 217 ادام، 45 ءۇي بار. س ۇلىشوق اۋىلىندا بالاباقشا مەن نەگىزگى ورتا مەكتەپ جۇمىس ىستەيدى، ءومىر سۇرۋگە قاجەتتى جاعدايلار جاسالعان. كۇندىز كوشەدە ورتا جاستاعى ادامداردى كەزدەستىرۋ قيىن - نەگىزىنەن بالالار مەن زەينەتكەرلەر جۇرەدى. ەرەسەك تۇرعىنداردىڭ ءبارى مال شارۋاشىلىعى مەن ەگىنشىلىكپەن اينالىسادى. ولار جەرگىلىكتى تۇرعىن، تۋعان جەرىنىڭ پاتريوتى قايرات جانىبەكوۆ باسقاراتىن «اگرو- كومپلەكس-سۇلىشوق» ج ش س قۇرامىندا ەڭبەك ەتىپ جاتىر.
اۋىل اقساقالدارى مەن پوليتسيا وكىلدەرى سۇلىشوقتاعى جاعىمدى اتموسفەرانى، كوشەلەردىڭ تازالىعى مەن ءتارتىبىن اتاپ وتەدى. اۋىلدىق وكرۋگ اكىمى ساراگۇل بەيسەبايەۆانىڭ ايتۋىنشا، اۋىل تۇرعىندارىنىڭ ادالدىعى مەن ەڭبەكقورلىعى، سونداي- اق جەرگىلىكتى ج ش س باسشىلىعىنىڭ اۋىلداستارىنا دەگەن قامقورلىعى اۋىلداعى وڭ ءمورالدىق احۋالدىڭ نەگىزى سانالادى.
قىلمىس پەن قۇقىق بۇزۋشىلىقتىڭ الدىن الۋ، اسىرەسە ماس كۇيىندە جاسالاتىن قۇقىق بۇزۋشىلىقتاردى بولدىرماۋ - پوليتسيا دەپارتامەنتىنىڭ باسىم باعىتتارىنىڭ ءبىرى. 2021 -جىلدان باستاپ سولتۇستىك قازاقستان وبلىسىندا پوليتسيانىڭ بەلسەندى قاتىسۋىمەن ىشىمدىكتەن تولىق باس تارتۋ قوزعالىسى دامىپ كەلەدى. بۇگىندە وبلىستا 13 اۋىل الكوگول ونىمدەرىن تۇتىنۋدان جانە ساتۋدان تولىقتاي باس تارتقان. بۇل قىلمىستىڭ الدىن الۋدىڭ ءتيىمدى شاراسى رەتىندە باعالانىپ وتىر، سەبەبى سوڭعى 5 جىلدا بۇل اۋىلداردا بىردە-ءبىر قىلمىس تىركەلمەگەن.
سولتۇستىك قازاقستان وبلىسى پوليتسيا دەپارتامەنتى «زاڭ مەن ءتارتىپ» يدەولوگياسىن نىعايتۋ تۇجىرىمداماسى اياسىندا ىشىمدىك ىشپەيتىن ەلدى مەكەندەر سانىن ارتتىرۋ بويىنشا ۆەدومستۆوارالىق جۇمىستىڭ ءساتتى جالعاسىپ جاتقانىن اتاپ ءوتتى.
