سلوۆاكيا قازاقستاننىڭ ەۋروپالىق وداقتاعى ماڭىزدى ءارى سەنىمدى سەرىكتەسى - پرەزيدەنت

استانا. KAZINFORM - سلوۆاكيا قازاقستاننىڭ ەۋروپالىق وداقتاعى ماڭىزدى ءارى سەنىمدى سەرىكتەسى. بۇل تۋرالى اقوردادا ەلىمىزگە رەسمي ساپارمەن كەلگەن سلوۆاكيا پرەمەر- ءمينيسترى روبەرت فيتسومەن كەڭەيتىلگەن قۇرامداعى كەلىسسوز بارىسىندا مەملەكەت باسشىسى قاسىم-جومارت توقايەۆ ايتتى.

- شاقىرۋىمدى قابىل العانىڭىز ءۇشىن ريزاشىلىعىمدى بىلدىرەمىن. ءسىزدىڭ ساپارىڭىز وتە ماڭىزدى. ويتكەنى، ول ءبىزدىڭ ءوزارا قارىم- قاتىناسىمىزعا جاقسى سەرپىن بەرەدى. قازىر عانا ءبىز بەلگىلى ءبىر تاقىرىپتار اياسىندا، ءتۇرلى سالاداعى ەكىجاقتى ىنتىماقتاستىعىمىز اياسىندا شىنىمەن دە جەمىستى كەلىسسوز وتكىزدىك. ارينە، ءبىرىنشى كەزەكتە ەكونوميكالىق اسپەكتىدە. بەلگىلى ءبىر سالماقتى ناتيجەلەرگە قول جەتكىزەتىندىگىمىزگە سەنىمدىمىن. سەبەبى ىنتىماقتاستىعىمىز جالعاسا بەرەدى. سلوۆاكيا قازاقستاننىڭ ەۋروپالىق وداقتاعى ماڭىزدى ءارى سەنىمدى سەرىكتەسى. ءسىزدىڭ ەلىڭىز ەۋروپالىق وداقتاعى ەڭ بەلسەندى ءارى قارقىندى دامىپ كەلە جاتقان مەملەكەتتەردىڭ ءبىرى سانالادى، - دەدى قاسىم-جومارت توقايەۆ.

وسى ورايدا پرەزيدەنت بۇل جەتىستىكتەردىڭ باسىم بولىگىنە سلوۆاكيا روبەرت فيتسونىڭ ارقاسىندا قول جەتكىزىپ وتىرعانىن اتاپ ءوتتى.

- سلوۆاكيانىڭ وڭىرلىك جانە حالىقارالىق اسپكتىدەگى بەلسەندى ۇستانىمى ءسىزدىڭ سىندارلى الەمدىك ىنتىماقتاستىققا بەيىل ەكەندىگىڭىزدى بىلدىرەدى. شىن مانىندە ساياسي ديالوگتىڭ، ەكونوميكالىق ىنتىماقتاستىق پەن گۋمانيتارلىق الىس- بەرىستىڭ ارتا تۇسكەنىن، سونىمەن قاتار كوپ قىرلى اسپەكتىدە جەمىستى ءوزارا ءىس- قيمىلدى جوعارى باعالايمىن، - دەدى مەملەكەت باسشىسى.

بۇعان دەيىن مەملەكەت باسشىسى قاسىم-جومارت توقايەۆ سلوۆاكيا پرەمەر- ءمينيسترى روبەرت فيتسومەن شاعىن قۇرامدا كەلىسسوز جۇرگىزگەنىن جازعان ەدىك.