س ق و-دا ەكى اي ىشىندە 160 قا جۋىق ادام جانۋارلاردان زارداپ شەككەن

ەتروپاۆل. KAZINFORM - سولتۇستىك قازاقستان وبلىسىندا ەكى ايدا 99 ادامدى ءيت قاپسا، سونىڭ 52 پايىزىندا تۇرعىنداردى قاڭعىرعان يتتەر تالاعان.

س ق و سانيتاريالىق-ەپيدەميولوگيالىق باقىلاۋ دەپارتامەنتى باسپا ءسوز قىزمەتىنىڭ مالىمەتىنشە، بيىل 158 ادام انتيرابيالىق كومەككە جۇگىندى، بۇل وتكەن جىلدىڭ ۇقساس كەزەڭىمەن سالىستىرعاندا %3,6 تومەن.

يەسىز يتتەردىڭ كوبەيۋىنە بايلانىستى وبلىستىڭ ءبىرقاتار اۋداندارىندا ءيت قاۋىپ، مەديتسينالىق كومەككە جۇگىنگەن تۇرعىندار سانى ارتقان. ماسەلەن اقجار اۋدانىندا 6 ادام زارداپ شەككەن، قىزىلجار اۋدانىندا وسىنداي 14 جاعداي تىركەلگەن. پەتروپاۆلدا جابىرلەنۋشىلەر سانى 14 كە ارتىپ، 89 ادام مەديتسينالىق كومەككە جۇگىندى.

زارداپ شەككەندەردىڭ 99 ىن ءيت قاپقان، بۇل بارلىق وقيعالاردىڭ %62,6، 49 جاعدايدا ادامداردى مىسىق تىرناپ، تالاسا، 10 ادامعا تىشقان- ەگەۋقۇيرىقتار، تيىندەر شاپقان.

انتيرابيالىق كومەككە جۇگىنۋدىڭ بارلىق جاعدايلارى بويىنشا ەپيزووتولوگيالىق- ەپيدەميولوگيالىق تەرگەۋ جۇرگىزىلدى. مەديتسينالىق كومەككە جۇگىنگەندەردىڭ بارلىعىنا - 158 ادامعا ۆاكسينا تاعايىندالدى. ونىڭ ىشىندە انتيرابيالىق ۆاكسينا - 83 ادامعا، يممۋنوگلوبۋلين جانە انتيرابيالىق ۆاكسينا - 75 زارداپ شەگۋشىگە ەگىلدى.

جانۋارلار قاۋىپ-تالاعان ادامداردىڭ %38 - اۋىل تۇرعىنى.

اۆتور

اقەركە داۋرەنبەك قىزى