14:40, 03 - تامىز 2025 | GMT +5
پرەزيدەنت پەن انتونيۋ گۋتەرريش الماتى قالاسىنداعى ب ۇ ۇ وڭىرلىك ورتالىعىنا باردى
الماتى. KAZINFORM - پرەزيدەنت قاسىم-جومارت توقايەۆ پەن باس حاتشى انتونيۋ گۋتەرريش الماتى قالاسىنداعى ب ۇ ۇ وڭىرلىك ورتالىعىنا باردى. بۇل تۋرالى اقوردا ءمالىم ەتتى.
- مەملەكەت باسشىسى مەن ب ۇ ۇ باس حاتشىسى قازاقستان ۇكىمەتى مەن ۇيىم اراسىندا ب ۇ ۇ-نىڭ ورتالىق ازيا مەن اۋعانستانعا ارنالعان ورنىقتى دامۋ ماقساتتارى جونىندەگى وڭىرلىك ورتالىعىن قۇرۋ تۋرالى كەلىسىمگە قول قويۋ راسىمىنە قاتىستى، - دەلىنگەن حابارلامادا.
ەسكە سالا كەتەيىك، بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش قازاقستان رەسپۋبليكاسىنا پرەزيدەنت قاسىم- جومارت توقايەۆتىڭ شاقىرۋىمەن كەلدى.
بۇگىن مەملەكەت باسشىسى ب ۇ ۇ باس حاتشىسى انتونيۋ گۋتەرريشپەن كەلىسسوز جۇرگىزدى.
