پرەزيدەنت مۇستافا كەمال اتاتۇرىك كەسەنەسىنە زيارات ەتتى
انكارا. KAZINFORM - مەملەكەت باسشىسىنىڭ تۇركيا رەسپۋبليكاسىنا رەسمي ساپارى وسى ەلدىڭ نەگىزىن قالاۋشى ءارى تۇڭعىش پرەزيدەنتى مۇستافا كەمال اتاتۇرىكتىڭ كەسەنەسىنەن باستالدى. بۇل تۋرالى اقوردا ءمالىم ەتتى.
- قازاقستان پرەزيدەنتى انىتقابىر كەسەنەسىنە جەرلەنگەن ۇلى قايراتكەردىڭ رۋحىنا تاعزىم ەتىپ، قۇرمەتتى قوناقتار كىتابىنا قولتاڭبا قالدىردى. قاسىم-جومارت توقايەۆ قازاقستان مەن تۇركيانىڭ دوستىعى نىعايا بەرەتىنىنە سەنىم ءبىلدىرىپ، باۋىرلاس تۇرىك حالقىنىڭ ءوسىپ-وركەندەۋىنە تىلەكتەستىگىن جەتكىزدى. گۇل شوعىن قويۋ راسىمىنە قازاقستاننىڭ رەسمي دەلەگاتسياسىنىڭ مۇشەلەرى دە قاتىستى، - دەلىنگەن حابارلامادا.
ەسكە سالا كەتەيىك، مەملەكەت باسشىسى تۇركياعا رەسمي ساپارمەن بارعان ەدى.
اۋەجايدا ەكى ەل پرەزيدەنتتەرى از-كەم اڭگىمەلەسىپ، قاسىم-جومارت توقايەۆ «ءبىزدى تەك تۋىستىق، ىنتىماقتاستىق بايلانىستىرادى» دەگەن ەدى.
قازاقستان پرەزيدەنتىنىڭ كەلۋىنە وراي انكارا كوشەلەرى ارنايى باننەرمەن بەزەندىرىلدى.
