پرەزيدەنت ەكىنشى «ورتالىق ازيا-قىتاي» سامميتىنە قاتىسۋشى مەملەكەتتەر باسشىلارىن قارسى الدى
استانا. KAZINFORM - قاسىم-جومارت توقايەۆ ەكىنشى «ورتالىق ازيا - قىتاي» سامميتىنە قاتىسۋشى مەملەكەتتەر باسشىلارىن قارسى الدى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى ەكىنشى «ورتالىق ازيا-قىتاي» سامميتىنە قاتىسۋشىلارىمەن سۋرەتكە ءتۇستى.
ايتا كەتەيىك، ەلورداداعى تاۋەلسىزدىك سارايىندا «ورتالىق ازيا - قىتاي» Ⅱ سامميتى جۇمىسىن باستادى.
ءىس-شاراعا مەملەكەت باسشىسى قاسىم-جومارت توقايەۆ، ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزيەۆ، قىرعىزستان پرەزيدەنتى سادىر جاپاروۆ، تۇرىكمەنستان پرەزيدەنتى سەردار بەردىمۇحامەدوۆ جانە تاجىكستان پرەزيدەنتى ەمومالي راحمون قاتىسىپ وتىر.
ايتا كەتەرلىگى، «ورتالىق ازيا - قىتاي» 1- سامميتى 2023 -جىلدىڭ 19 - مامىرىندا قىتايدىڭ شيان قالاسىندا ءوتتى. سول كەزدە قاسىم-جومارت توقايەۆ ورتالىق ازيا مەن قىتايدىڭ ەكىنشى سامميتىن قازاقستاندا وتكىزۋگە ءازىر ەكەنىن جەتكىزدى. سامميت قورىتىندىسىندا شيان دەكلاراتسياسىنا قول قويىلىپ، ەكىنشى سامميتتى 2025 -جىلى قازاقستان وتكىزۋ تۋرالى شەشىم قابىلداندى.
