پرەزيدەنت: كەلەر جىلى ءبىزدى ءبىرقاتار اتاۋلى داتا كۇتىپ تۇر
استانا. KAZINFORM - پرەزيدەنت قاسىم-جومارت توقايەۆ قازاقستاندىقتاردى جاڭا جىل مەرەكەسىمەن قۇتتىقتاۋ سوزىندە 2025-جىلى كۇتىپ تۇرعان اتاۋلى داتالارعا توقتالدى.
- ۇلى جەڭىستىڭ 80 جىلدىعىن لايىقتى ەتىپ وتكىزەمىز. كونستيتۋتسيا مەن قازاقستان حالقى اسسامبلەياسىنىڭ وتىز جىلدىعىن جوعارى دەڭگەيدە اتاپ وتەمىز. سونداي-اق، ۇلى ابايدىڭ 180 جىلدىق مەرەيتويىن لايىقتى اتاپ ءوتۋىمىز كەرەك، - دەدى مەملەكەت باسشىسى.
بۇل جىلدى پرەزيدەنت «جۇمىسشى ماماندىقتار جىلى» دەپ جاريالاعانى بەلگىلى.
- بۇل - ەڭبەك ادامدارىنا دەگەن ەرەكشە قۇرمەتتىڭ بەلگىسى. ءبىز وتانشىلدىق، ەڭبەكقورلىق جانە بىلىكتىلىككە ايرىقشا ءمان بەرەمىز. ءدال قازىر مەرەكەگە قاراماستان، مىڭداعان وتانداسىمىز جۇمىس ىستەپ جاتىر. ولاردىڭ اراسىندا شەكاراشىلار، دارىگەرلەر، ءتارتىپ ساقشىلارى، قۇتقارۋشىلار مەن ءورت سوندىرۋشىلەر، ءوندىرىس باسىنداعى ماماندار جانە باسقا دا ازاماتتار بار. مۇنى ءوز ىسىنە دەگەن ادالدىقتىڭ ناعىز ۇلگىسى دەۋگە بولادى. مەن بۇكىل حالقىمىزدىڭ اتىنان سىزدەرگە شىنايى ريزاشىلىعىمدى بىلدىرەمىن. شەتەلدە ءبىلىم الىپ جاتقان نەمەسە جۇمىس ىستەپ جۇرگەن ازاماتتارىمىزعا اماندىق تىلەيمىن! - دەدى قاسىم-جومارت توقايەۆ.
پرەزيدەنت قۇتتىقتاۋىنىڭ تولىق ءماتىنىن مىنا سىلتەمە ارقىلى وقي الاسىز.
