20:04, 29 - شىلدە 2025 | GMT +5
قاسىم-جومارت توقايەۆ پەن رەجەپ تايپ ەردوعانمەن كەلىسسوز جۇرگىزدى
انكارا. KAZINFORM - مەملەكەت باسشىسى قاسىم-جومارت توقايەۆ تۇركيا پرەزيدەنتى رەجەپ تايپ ەردوعانمەن كەلىسسوز جۇرگىزدى. بۇل تۋرالى اقوردانىڭ باسپا ءسوز قىزمەتى حابارلادى.
پرەزيدەنتتەر قازاقستان مەن تۇركيا اراسىنداعى ستراتەگيالىق سەرىكتەستىكتى ودان ءارى دامىتۋ پەرسپەكتيۆاسىن جان جاقتى تالقىلادى.
سونداي-اق ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق ىنتىماقتاستىقتى نىعايتۋعا باسا ءمان بەرىلدى.
قاسىم-جومارت توقايەۆ قوناقجايلىق تانىتقانى ءۇشىن تۇركيا پرەزيدەنتىنە العىس ايتتى.
ءوز كەزەگىندە رەجەپ تايپ ەردوعان ەكى ەل اراسىنداعى قارىم-قاتىناستى جاڭا ءارى ساپالى دەڭگەيگە شىعارۋعا دايىن ەكەنىن راستادى.
ەسكە سالا كەتەيىك، بۇعان دەيىن مەملەكەت باسشىسىن انكاراداعى پرەزيدەنت سارايىندا سالتاناتتى قارسى الۋ ءراسىمى ءوتتى.
