قاسىم-جومارت توقايەۆ بەكزات ساتتارحانوۆ اتىنداعى سپورت كەشەنىن ارالاپ كوردى
استانا. KAZINFORM - مەملەكەت باسشىسى جەكە ينۆەستوردىڭ قارجىسىنا سالىنىپ، بيىل پايدالانۋعا بەرىلگەن كوپ فۋنكتسيالى عيماراتتىڭ قىزمەتىمەن تانىستى. بۇل تۋرالى اقوردانىڭ باسپا ءسوز قىزمەتى حابارلادى.
ەلوردادا ورنالاسقان كەشەندە ءتۇرلى دەڭگەيدەگى سپورتتىق ءىس-شارالار، سونداي-اق حالىققا ارنالعان ساۋىقتىرۋ جانە دەمالىس باعدارلامالارى ۇيىمداستىرىلادى.
نىسان اۋماعىندا فۋتزال، ۆولەيبول مەن باسكەتبول الاڭدارى، بوكس، دزيۋدو، قازاق كۇرەسى جانە باسقا دا سپورت تۇرلەرىمەن شۇعىلدانۋعا ارنالعان جەكپە-جەك زالدارى بار.
پرەزيدەنت بۇقارالىق سپورتتى دامىتۋ ءۇشىن وسىنداي كەشەندەردى كوپتەپ سالۋ قاجەت ەكەنىن ايتتى. سونداي-اق جاس بوكسشىلارمەن جانە فۋتبولشىلارمەن اڭگىمەلەسىپ، ولاردىڭ كەلەشەكتە الەم، وليمپيادا چەمپيوندارى بولۋىنا تىلەكتەستىك ءبىلدىردى.
- بۇل ءۇشىن، ەڭ الدىمەن، ەڭبەك ەتۋ كەرەك، تاباندىلىق قاجەت. جەڭىسكە تەك ەڭبەكقورلىق قانا جەتكىزەدى، - دەدى مەملەكەت باسشىسى.
