قاراعاندى وبلىسىنداعى دالا ءورتى ءسوندىرىلدى

قاراعاندى. KAZINFORM - قاراعاندى وبلىسىنىڭ اۋماعىنداعى ءورت ءسوندىرىلدى، ءورتتىڭ اۋماعى انىقتالىپ جاتىر. بۇل تۋرالى ق ر توتەنشە جاعدايلار مينيسترلىگىنىڭ باسپا ءسوز قىزمەتى ءمالىم ەتتى.

ت ج م حابارلاۋىنش، قاتتى ەكپىندى جەل، تاۋلى جەرلەر جانە ءورت وشاقتارىنا كىرمە جولداردىڭ بولماۋى ءورتتى ءسوندىرۋ جۇمىستارىن قيىنداتقان.

«ءورتتى ءسوندىرۋ جۇمىستارى جەرۇستى جانە اۋە كولىگىمەن جۇرگىزىلدى. بۇگىن اەروۆيزۋالدى بارلاۋ جۇرگىزىلدى. قازىرگى ۋاقىتتا جاعداي تۇراقتى، جاڭا ءورت وشاقتارى بايقالمايدى»، - دەلىنگەن حابارلامادا.

تابيعي ءورتتىڭ اۋقىمدىلىعىنا بايلانىستى ت ج ءمينيسترىنىڭ تاپسىرماسىنا سايكەس ەلدى مەكەندەر مەن ورمانشىلىقتاردى قورعاۋ، ءورتتى جويۋ بويىنشا جەدەل شارالار قابىلداۋ ءۇشىن ق ر ءى ءى م ت ج م، ج ا و، قورعانىس ءمينى، ۇ ۇ قوسىمشا كۇشتەرى جىبەرىلدى.

ءورتتى ءسوندىرۋ كەزىندەگى ءىس-قيمىلداردى ۇيلەستىرۋدىڭ ارقاسىندا اۋا- رايىنىڭ قولايسىزدىعىنا، ءورتتىڭ ۇلكەن الاڭىنا، ءورت ءسوندىرۋ بولىمشەلەرىنىڭ ورنالاسقان جەرىنەن اراقاشىقتىعىنا قاراماستان 7 ەلدى مەكەندى (قوياندى اۋىلى، تەرەكتى اۋىلى، ايىر، قىزىلشىلىك، شوپتىكول، اتانتاي، قولباسى بولىمشەلەرى) جانە 11 شارۋا قوجالىعىن قورعاۋعا مۇمكىندىك تۋدى، وندا 1,5 مىڭعا جۋىق ادام تۇرادى جانە 33 مىڭنان استام مال باسى بار. سونىمەن قاتار ەگىندىبۇلاق اۋىلى اۋدانىنداعى كۋۆسكي شارۋاشىلىعىنىڭ ورمان قورى اۋماعىن وتتىڭ تارالۋىنان قورعادى.

ءورتتى جويۋعا ت ج د، پ د، ت ج م اسكەري بولىمدەرىنىڭ، ورمان جانە جانۋارلار دۇنيەسىن قورعاۋ بويىنشا كۋۆسكي شارۋاشىلىعىنىڭ، «قاراعاندى ورمان جانە جانۋارلار دۇنيەسىن قورعاۋ جونىندەگى شارۋاشىلىق» ك م م، قاراعاندى مەملەكەتتىك ۇلتتىق تابيعي پاركىنىڭ كۇشتەرى مەن قۇرالدارىنان جالپى سانى 609 ادام جانە 93 بىرلىك تەحنيكا، 3 ۇ ۇ ا، ق ر ت ج م، ءى ءى م  ۇ ۇ، قورعانىس مينيسترلىگىنىڭ 5 اۋە كەمەسى جۇمىلدىرىلدى.

ءورتتى ءسوندىرۋ بارىسىندا اۋە كەمەلەرى ءورت وشاقتارىنا 62 رەت جالپى كولەمى 112 توننا سۋ توكتى.

ەستەرىڭىزگە سالا كەتەيىك، 2024 -جىلعى 6-قازاندا قاراعاندى وبلىسى قارقارالى اۋدانىنىڭ شارىقتى جانە قوياندى اۋىلدىق وكرۋگتەرىندەگى دالا ايماعىندا بيىكتىگى 1 مەترگە دەيىن قۇرعاق ءشوپ جاندى.