مەملەكەت باسشىسى وزبەكستان پرەزيدەنتى شاۆكات ميرزيەيەۆپەن تەلەفون ارقىلى سويلەستى
استانا. KAZINFORM - مەملەكەت باسشىسى وزبەكستان پرەزيدەنتىن تۋعان كۇنىمەن قۇتتىقتاپ، ونىڭ باۋىرلاس وزبەك حالقىنىڭ يگىلىگى جولىندا اتقارىپ جاتقان جاۋاپتى مەملەكەتتىك قىزمەتىنە تولايىم تابىس تىلەدى.
قاسىم-جومارت توقايەۆ شاۆكات ميرزيەيەۆتىڭ بەدەلدى كوشباسشىلىعىنىڭ ارقاسىندا وزبەكستان دامۋدىڭ داڭعىل جولىنا ءتۇسىپ، الەۋمەتتىك- ەكونوميكالىق سالادا ەلەۋلى جەتىستىككە جەتكەنىن اتاپ ءوتتى.
اڭگىمەلەسۋ بارىسىندا ەكى ەل اراسىندا سەنىمگە، تاتۋ كورشىلىك بايلانىستارعا ءارى ءوزارا قولداۋعا نەگىزدەلگەن ستراتەگيالىق جانە وداقتاستىق قاتىناستار قالىپتاسقانىنا نازار اۋدارىلدى. ساۋدا- ەكونوميكالىق، مادەني- گۋمانيتارلىق ىنتىماقتاستىق پەن عىلىم- ءبىلىم سالاسىنداعى سەرىكتەستىك نىعايىپ كەلەدى.
قاسىم-جومارت توقايەۆتىڭ ايتۋىنشا، بۇكىل ورتا ازيانىڭ ورنىقتى دامۋى كوبىنە ەكى مەملەكەتتىڭ ءوزارا ىقپالداستىعىنا تىكەلەي بايلانىستى. وسىعان وراي تاراپتار ونەركاسىپ، ەنەرگەتيكا، كولىك، لوگيستيكا جانە اۋىل شارۋاشىلىعى باعىتتارىنداعى بىرلەسكەن جوبالاردى ىلگەرىلەتۋ ءۇشىن ناقتى شارالار قابىلداپ جاتىر.
قاسىم- جومارت توقايەۆ پەن شاۆكات ميرزيەيەۆ وڭىرلىك كووپەراتسيانىڭ وزەكتى ماسەلەلەرى جونىندە پىكىر الماسىپ، ەكىجاقتى فورماتتا جانە حالىقارالىق ءىس- شارالار اياسىندا جوسپارلانعان جوعارى دەڭگەيدەگى كەزدەسۋلەر كەستەسىن قاراستىردى.
