مەملەكەت باسشىسى ق ح ر ءتوراعاسىن تۋعان كۇنىمەن قۇتتىقتادى
استانا. KAZINFORM - قاسىم-جومارت توقايەۆ ق ح ر ءتوراعاسىنىڭ ەلىمىزگە ساپارى ونىڭ تۋعان كۇنىمەن تۇسپا-تۇس كەلىپ وتىرعانىنا ەرەكشە ءمان بەرىپ، شي جينپيڭگە زور دەنساۋلىق، باق-بەرەكە، جاۋاپتى مەملەكەتتىك قىزمەتىنە تولايىم تابىس تىلەدى.
- ءسىزدى قازاقستاندا اسا كورنەكتى مەملەكەت قايراتكەرى، حالىقارالىق قوعامداستىق الدىندا زور ابىروي-بەدەلگە يە كورەگەن كوشباسشى دەپ بىلەدى. ەلىڭىزدىڭ قارقىندى دامۋى وزىڭىزبەن تىكەلەي بايلانىستى. ءسىزدىڭ سارابدال ساياساتىڭىزدىڭ ارقاسىندا قىتاي حالىق رەسپۋبليكاسى الەۋمەتتىك-ەكونوميكالىق جاڭعىرۋ جانە ازاماتتاردىڭ ءال- اۋقاتىن جاقسارتۋ ىسىندە ەرەن جەتىستىككە جەتەتىنىنە سەنىمدىمىن. ءبىز جاڭا تاريحي كەزەڭدە وزىنە ءتان ەرەكشەلىگى بار سوتسياليزم نەگىزىن قالاپ جاتقان قىتاي حالقىنىڭ مول تابىستارىنا شىن قۋانامىز. ءسىزدىڭ ماعان جانە بارشا قازاقستان حالقىنا دەگەن قۇرمەتىڭىزدى جوعارى باعالايمىن، - دەدى قاسىم-جومارت توقايەۆ.
مەملەكەت باسشىسى ەكىجاقتى قارىم- قاتىناس جىلدان جىلعا نىعايىپ، جاڭا «التىن كەزەڭگە» قادام باسقانىن مالىمدەدى.
