مەملەكەت باسشىسى KazPan سەندۆيچ-پانەلدەرىن وندىرەتىن زاۋىتتى ارالادى
استانا. KAZINFORM - قاسىم-جومارت توقايەۆقا كاسىپورىن Kindus وڭتۇستىك كورەيالىق ءوندىرىسىنىڭ جوعارى تەحنولوگيالى اۆتوماتتاندىرىلعان جەلىسىمەن جابدىقتالعانى جونىندە باياندالدى، دەپ حابارلايدى اقوردانىڭ باسپا ءسوز قىزمەتى.
زاۋىت جىلىنا 1,8 ميلليون شارشى مەترگە دەيىن ءونىم شىعارا الادى.
مۇندا زاماناۋي جابدىقتارمەن جانە تەحنولوگيامەن جۇمىس ىستەۋ ءۇشىن Kindus-تىڭ ينجەنەرلەردى وقىتۋ كۋرسىنان وتكەن 50 مامان ەڭبەك ەتەدى. بۇگىندە سەندۆيچ-پانەلدەر ونەركاسىپتىك، لوگيستيكالىق، اكىمشىلىك، سپورتتىق جانە باسقا دا نىسانداردىڭ قۇرىلىسىن جۇرگىزۋدە سۇرانىسقا يە ەكەنى ايتىلدى.
- مەملەكەت باسشىسى ەڭبەك ۇجىمىمەن اڭگىمەلەسۋ بارىسىندا زاۋىتتىڭ باسەكەگە قابىلەتتىلىگىن ارتتىرۋعا باسىمدىق بەرەتىنىنە جانە ەلىمىزدىڭ ينفراقۇرىلىمىن دامىتۋعا زور ۇلەس قوساتىنىنا سەنىم ءبىلدىردى، - دەلىنگەن حابارلامادا.
بۇدان بۇرىن پرەزيدەنت Orbis Heavy Machinery ارنايى جانە كوممەرتسيالىق تەحنيكا زاۋىتىنا بارعانىن جازعان ەدىك.
