مەملەكەت باسشىسى «داۋلەت» تەننيس ورتالىعىنا باردى
استانا. KAZINFORM - ەلوردا نىساندارىن ارالاۋ بارىسىندا پرەزيدەنت قاسىم-جومارت توقايەۆ «داۋلەت» تەننيس ورتالىعىنىڭ قىزمەتىمەن تانىستى. بۇل تۋرالى اقوردانىڭ باسپاءسوز قىزمەتى حابارلادى.
كەشەندە 600 بالا، ولاردىڭ ىشىندە 85 وقۋشى بيۋدجەت ەسەبىنەن جاتتىعادى. سونداي-اق مۇندا 57 سپورتتىق-ساۋىقتىرۋ توبى جۇمىس ىستەيدى.
«داۋلەت» ورتالىعى - ەلورداداعى بالالار ەڭ كوپ باراتىن، سونىڭ ىشىندە ەرەكشە قاجەتتىلىگى بار سپورتشىلاردى دا قامتيتىن الەۋمەتتىك-سپورتتىق نىسانداردىڭ ءبىرى.
بيىل مامىر ايىندا ورتالىق بازاسىندا ازيا قۇرلىعىندا العاش رەت Virtus World Tennis Championship 2025 - اقىل-وي كەمىستىگى بار سپورتشىلار اراسىندا تەننيستەن الەم بىرىنشىلىگى ءوتتى.
ەسكە سالا كەتەيىك، بۇعان دەيىن مەملەكەت باسشىسىنىڭ بەكزات ساتتارحانوۆ اتىنداعى سپورت كەشەنىن ارالاعانىن جازعان ەدىك.
