جاندى تەربەگەن ەستەلىكتەر: مولداعۇلوۆا پورترەتىنىڭ «جاندانعان» نۇسقاسى

استانا. KAZINFORM - Kazinform اگەنتتىگى ەكىنشى دۇنيەجۇزىلىك سوعىس جىلدارىنداعى ارحيۆ سۋرەتتەرى مەن ولاردىڭ «جاندانعان» نۇسقالارىن ۇسىنادى.

بۇل - كەڭەس وداعىنىڭ باتىرى، مەرگەن ءاليا مولداعۇلوۆانىڭ پورترەتى.

ول سوعىس كەزىندە ەكىنشى بالتىق مايدانىنىڭ 22-ارمياسىنا قاراستى 54- اتقىشتار بريگاداسىندا قىزمەت ەتتى. ەفرەيتور شەنىندە بولعان. ءا. مولداعۇلوۆا 78 جاۋ ساربازى مەن وفيتسەرىن جويعان.

ايتا كەتەيىك، جەڭىستىڭ 80 جىلدىعىنا وراي پرەزيدەنت تەلەراديوكەشەنى ەرەكشە جوبانى ىسكە قوستى. Kazinform اگەنتتىگىنىڭ فوتومۇراعاتىنداعى ەكىنشى دۇنيەجۇزىلىك سوعىس جىلدارى كەزىندە تۇسىرىلگەن سيرەك سۋرەتتەر جاڭا تەحنولوگيا كومەگىمەن ءتۇرلى تۇسكە بويالىپ، قيمىلدايدى.

جوبا ەلىمىزدىڭ تەمىرجول ۆوكزالدارى مەن اۋەجايلارىنداعى LED ەكرانداردان كورسەتىلەدى.

ال 5-مامىردا استاناداعى «نۇرلى جول» ۆوكزالىندا «ق ت ج» ۇ ك» ا ق قولداۋىمەن «جەڭىستىڭ 80 جىلدىعى. KAZINFORM فوتوشەجىرەسى» اتتى فوتوكورمە اشىلادى.

اقتوبەدە ءاليا مولداعۇلوۆا مۋزەيى جاڭاردى. ءاليا مولداعۇلوۆانىڭ تۋعانىنا 100 جىل جانە جەڭىستىڭ 80 جىلدىعىنا وراي مۋزەي ءىشى زاماناۋي تەحنولوگيالارمەن قايتا جابدىقتالدى.