استانادا بۇگىن جەڭىستىڭ 80 جىلدىعىنا ارنالعان اسكەري پاراد وتەدى
استانا. KAZINFORM - استاناداعى تاۋەلسىزدىك الاڭىندا بۇگىن جەڭىستىڭ 80 جىلدىعىنا ارنالعان اسكەري پاراد وتەدى.
سالتاناتتى ءىس-شاراعا 4000 نان استام اسكەري قىزمەتشى، 200 دەن استام اسكەري تەحنيكا، سونداي-اق مايداندىق، ارميالىق جانە اسكەري-كولىكتىك اۆياتسيانىڭ 66 ۇشاعى مەن تىكۇشاعى قاتىسادى.
مەرەيتوي اياسىنداعى شەرۋ رەسپۋبليكالىق تەلەارنالاردان، ەلىمىزدىڭ بارلىق قالاسىندا LED- ەكرانداردان، قورعانىس مينيسترلىگىنىڭ رەسمي YouTube-ارناسىنان تىكەلەي ەفيردە كورسەتىلەدى.
سونداي-اق Jibek Joly تەلەارناسىنان تىكەلەي ەفيردە جانە Kazinform سايتىنان تاماشالاۋعا بولادى.
پارادقا بايلانىستى ءبىرقاتار كوشەدە ۋاقىتشا شەكتەۋلەر ەنگىزىلىپ، اۆتوبۋس باعىتتارى وزگەرەدى، كەيبىر جاياۋ جۇرگىنشىلەر وتكەلدەرى جابىلادى.
ەلوردادا وتەتىن اۋقىمدى اسكەري پاراد قارساڭىندا Kazinform اگەنتتىگىنىڭ ءتىلشىسى ەلىمىزدىڭ قۇرلىق اسكەرلەرىنىڭ باس قولباسشىسى گەنەرال-مايور مەرەكە كوشەكبايەۆپەن تىلدەسكەن ەدى. ول جەڭىستىڭ 80 جىلدىعىنا ارنالعان اسكەري پارادقا باسشىلىق جاساماق. گەنەرال دايىندىق بارىسىنىڭ ەگجەي-تەگجەيىمەن ءبولىسىپ، بيىلعى ەلىمىزدىڭ باستى اسكەري وقيعاسى نەسىمەن تاڭ قالدىراتىنىن ايتىپ بەردى.
