15:55, 13 - ءساۋىر 2023 | GMT +5
موڭعوليا مەن قىتايداعى شاڭدى داۋىل توكيوعا جەتتى
توكيو. تاسس - قازاقپارات - موڭعوليا مەن قىتاي جاقتان كەلگەن شاڭدى داۋىل بەيسەنبى كۇنى توكيوعا جەتتى.
بۇل تۋرالى جاپون ۇلتتىق مەتەورولوگيالىق باسقارماسى ءمالىم ەتتى، دەپ حابارلايدى قازاقپارات تاسس-قا سىلتەمەمەن.
بۇل تابيعي قۇبىلىس توكيودا سوڭعى رەت 2021 -جىلدىڭ مامىرىندا بولعان.
بۇعان دەيىن ءبىرقاتار جاپونيا پرەفەكتۋراسىنىڭ، سونىڭ ىشىندە ناگاساكي، فۋكۋوكۋ جانە توتتوري بيلىگى جەرگىلىك تۇرعىنداردى جولدا اباي بولۋعا شاقىرعان ەدى. بۇدان بولەك، تۇرعىندارعا بالكوندا كيىم كەپتىرمەۋگە، بالالارعا كوشەدە ويناماۋعا، ماسقا تاعۋعا كەڭەس بەرىلدى.
مەتەورولوگتەر تاياۋ كۇندەرى شاڭدى داۋىل جاپونيانىڭ بۇكىل اۋماعىن باسىپ قالۋى مۇمكىن دەپ بولجاپ وتىر.
بۇعان دەيىن سارسەنبىدە قىتاي استاناسىنا شاڭدى داۋىل كەلگەنى تۋرالى حابارلانعان بولاتىن، وسىعان بايلانىستى جەرگىلىكتى بيلىك اۋا رايى قاۋپىنىڭ «سارى» دەڭگەيىن جاريالادى.
