15:25, 13 - ءساۋىر 2023 | GMT +5
مەكتەپكە قارۋدان وق جاۋدىرعان يلناز گالياۆيەۆ ءومىر بويىنا سوتتالدى
قازان. تاسس - قازاقپارات - تاتارستاننىڭ جوعارعى سوتى قازانداعى مەكتەپتە قارۋدان وق جاۋدىرعان يلناز گالياۆيەۆتى ءومىر بويىنا باس بوستاندىعىنان ايىردى، دەپ حابارلايدى قازاقپارات تاسس-قا سىلتەمە جاساپ.
«گالياۆيەۆكە ءومىر بويىنا باس بوستاندىعىنان ايىرۋ جازاسىن ەرەكشە رەجيمدەگى تۇزەۋ كولونياسىندا وتەۋ تاعايىندالسىن»، - دەدى سۋديا.
قازان قالاسىنداعى №175-گيمنازيانىڭ بۇرىنعى وقۋشىسى گالياۆيەۆ 2021 -جىلدىڭ 11-مامىرىندا اتالعان ءبىلىم وشاعىندا اتىس ۇيىمداستىردى. سالدارىنان 9 ادام قازا تاپتى - جەتى وقۋشى مەن ەكى مۇعالىم.
ءىس بويىنشا 667 ادام جابىرلەنۋشى دەپ تانىلدى. سوتتا گالياۆيەۆ ءوز كىناسىن مويىندادى.
