قوزى كورپەش پەن بايان سۇلۋ كۇنى: تۇركىستاندا رەسپۋبليكالىق بايقاۋى وتەدى
ءساۋىر ايىنىڭ 3-ءى مەن 9-ى ارالىعىندا ۇيىمداستىرىلعان شاراعا ەل بويىنشا جالپى 345 جۇپ ءوتىنىم بەرگەن. بايقاۋعا قاتىسۋشىلاردى ىرىكتەۋ بارىسىندا ەلىمىزدىڭ تۇكپىر- تۇكپىرىنەن 15 جۇپ ۇزدىك دەپ تانىلىپ، تۇركىستانعا جولداما الىپ وتىر.
قورىتىندى كەزەڭدە جەڭىمپاز جۇپتار «شاڭىراق»، «ماحاببات»، «ارۋ»، «جانۇيا» نوميناتسيالارىمەن ماراپاتتالادى. ولاردىڭ تۇركىستان وڭىرىنە كەلىپ- كەتۋ بيلەتى، رومانتيكالىق كەشكى اسى، قوناقۇيدە تۇرۋ شىعىنى ۇيىمداستىرۋشىلار تاراپىنان قامتاماسىز ەتىلەدى.
«ءىس- شارا شەڭبەرىندە قاتىسۋشىلار ق. ا. ياساۋي، ارىستانباب كەسەنەلەرىنە دۇعا ەتۋدەن بولەك، رابيا بەگىم، گاۋھار انا، دومالاق انا سىندى قازاق ۇعىمىنداعى ءازيز انالاردىڭ رۋحىنا ءتاۋ ەتەدى. بۇدان بولەك، بايقاۋعا قاتىسۋشى جۇپتار ارنايى وتباسىلىق قاتىناستار جونىندەگى جەتەكشى پسيحولوگتىڭ شەبەرلىك ساباعىنا قاتىسۋعا مۇمكىندىگى بار. سونداي- اق، جاس جۇبايلار تۇركىستاننىڭ كورىكتى جەرلەرىن ارالاپ، قالا بويىنشا تەگىن ەكسكۋرسيا جاسايدى»، - دەدى تۇركىستان وبلىسىنىڭ مادەنيەت جانە تۋريزم باسقارماسىنىڭ ءبولىم باسشىسى نۇرداۋلەت مەدەۋوۆ.
