ەنەرگەتيكا ءمينيسترى جۋرناليستەردەن قازاق ءتىلىن ۇيرەنۋگە جارتى جىل سۇرادى

استانا. قازاقپارات - ەنەرگەتيكا ءمينيسترى الماسادام ساتقاليەۆ ۇكىمەت وتىرىسىنان كەيىن جۋرناليستەردەن قازاق ءتىلىن ۇيرەنۋگە جارتى جىل ۋاقىت سۇرادى، دەپ حابارلايدى قازاقپارات ءتىلشىسى.

ب ا ق وكىلدەرى ۇكىمەت وتىرىسىنان كەيىن الماسادام ساتقاليەۆتەن قويعان سۇراقتاردىڭ بارىنە نەلىكتەن تەك ورىس تىلىندە جاۋاپ بەرەتىنىن سۇرادى.

«ارينە، مەن انا ءتىلىمدى بىلەمىن. ءبىراق ماعان ءتىلدى ءبىلۋ دەڭگەيىمدى كوتەرۋ كەرەك. ماعان جارتى جىل بەرىڭىز. ءسىزدىڭ قازاقشا سۇراقتارىڭىزدىڭ بارىنە جاۋاپ بەرەتىن بولامىن. جاۋاپ ساپالى بولۋ ءۇشىن ورىسشا بەرىپ تۇرمىن»، - دەدى مينيستر.

ايتا كەتەيىك، بۇگىن الماسادام ساتقاليەۆ ۇكىمەت وتىرىسىندا ەنەرگەتيكا ءمينيسترى رەتىندە رەسمي انت بەردى.