08:59, 14 - مامىر 2019 | GMT +5
وتاندىق جاس تەننيسشىلەر ازيا چەمپيوناتىندا توپ جاردى
نۇر-سۇلتان. قازاقپارات - وزبەكستان استاناسى تاشكەنتتە تەننيستەن 14 جاسقا دەيىنگى سپورتشىلار اراسىنداعى جابىق ازيا چەمپيوناتى اياقتالدى.
قازاقستاندىق سپورتشىلار اتالعان سىندا ءساتتى ونەر كورسەتتى، دەپ حابارلايدى Olympic.kz.
قىزدار اراسىنداعى جەكەلەي سىندا ساندۋعاش كەنجەبايەۆا چەمپيون اتاندى. تۋرنير بارىسىندا بىردە-ءبىر رەت جەڭىلمەگەن ول فينالدا ءۇندىستان سپورتشىسىن 6:4, 6:3 ەسەبىمەن ۇتتى.
ۇلدار اراسىنداعى باسەكەدە ءبىزدىڭ تاعى ءبىر سپورتشىمىز توپ جاردى. ماكس باتيۋتەنكو اقتىق سىندا تۋرنيردىڭ ەكىنشى راكەتكاسى، تايلاندىق تەننيسشىنى 6:4, 6:1 ەسەبىمەن جەڭدى.
قۇرلىق چەمپيوناتىندا كوزگە تۇسكەن كەنجەبايەۆا مەن باتيۋتەنكو جازدا ەۋروپادا وتەتىن جوعارى ساناتتى تۋرنيرلەرگە قاتىسۋ مۇمكىندىگىن الدى. ولاردىڭ بارلىق شىعىنىن حالىقارالىق تەننيس فەدەراتسياسى (ITF) ءوز موينىنا الماق.