13:04, 24 - اقپان 2018 | GMT +6
ارمان رىسبەك كاسىپقوي رينگتەگى العاشقى قارسىلاسىن نوكاۋتقا جىبەردى
استانا. قازاقپارات - قازاقستاندىق بىلعارى قولعاپ شەبەرى، ورتا سالماق يەسى ارمان رىسبەك كاسىپقوي رينگتەگى كارەراسىن جەڭىسپەن باستادى، دەپ حابارلايدى قازاقپارات Sports.kz.
ا ق ش-تىڭ فلوريدا شتاتىنداعى كيسسيممي قالاسىندا وتكەن بوكس كەشىندە ارمان امەريكالىق قارسىلاسى دجون مورحاۋستى ءبىرىنشى راۋندتا-اق نوكاۋتقا جىبەردى.
جەرگىلىكتى بوكسشى ءۇشىن دە بۇل ايقاس كاسىپقوي بوكستاعى دەبيۋتى ەدى. ول بۇرىن م م ا- دە ونەر كورسەتكەن.
بۇرىن رىسبەك «Astana Arlans» كومانداسىنىڭ نامىسىن قورعاپ ءجۇردى، 2017 -جىلى ونىڭ قۇرامىندا بۇكىل الەمدىك بوكس سەرياسىنىڭ (WSB) چەمپيونى اتاندى. ارماننىڭ كاسىپقوي بوكستاعى دەبيۋتى ەرتەرەك بولۋى ءتيىس ەدى، الايدا ءتۇرلى سەبەپتەرگە وراي، ەندى عانا ءوتتى.