قانات يسلام كليماسپەن كەلىسىم جاسالعانىن جوققا شىعاردى

استانا. قازاقپارات - قازاقستاندىق بوكسشى قانات يسلام ليتۆا- امەريكالىق مەنەدجەر ەگيس كليماسپەن سەرىكتەستىك تۋرالى اقپاراتقا پىكىر ءبىلدىردى، دەپ حابارلايدى Sports.kz.

ەسكە سالايىق، وتاندىق بوكسشىنىڭ تانىمال مەنەدجەرمەن كەلىسىم جاسالعانى تۋرالى جاڭالىق كەشە ب ا ق- تا جاريالانعان بولاتىن. قانات يسلام كومانداسىنىڭ Instagram-داعى رەسمي پاراقشاسىندا بۇل اقپاراتتىڭ جالعان ەكەندىگى جاريالاندى. قازاقستاندىق كليماسپەن كەلىسىم جاساماعان.

كليماس ۆاسيلي لوماچەنكو، الەكساندر ۋسيك، الەكساندر گۆوزديك جانە سەرگەي كوۆاليەۆ سياقتى بوكسشىلارمەن جۇمىس ىستەگەن. سونداي-اق، ول باسقا قازاقستاندىقتاردىڭ - ماديار اشكەيەۆ، مەيىرىم نۇرسۇلتانوۆ پەن اسحات ۋاليحانوۆتىڭ ءىسىن جۇرگىزەدى. Klimas Management بوكسشىلارى اقش- تاعى بوكس كەشتەرىندە ۇنەمى جەكپە- جەككە شىعىپ تۇرادى.

بۇدان بۇرىن قانات يسلام كومانداسى «جاقسى جاڭالىق كۇتىڭىزدەر» دەپ، ا ق ش- قا ۇشىپ كەتكەندىگىن حابارلاعان ەدى.