وليمپيادانىڭ اشىلۋ سالتاناتى سپورتشىلارعا رۋح بەردى - ەلسيار قاناعاتوۆ
سالتاناتتى راسىمنەن كەيىن قازاقستان رەسپۋبليكاسى ۇلتتىق وليمپيادا كوميتەتى سپورت ديرەكتسياسىنىڭ باسشىسى ەلسيار قاناعاتوۆ قازاقپارات تىلشىسىنە شاعىن سۇحبات بەردى.
- ەلسيار بايمۇحامەد ۇلى، ХХIIIقىسقى وليمپيادا ويىندارىنىڭ اشىلۋ سالتاناتىنا قالاي باعا بەرەسىز؟
- ءار وليمپيادا ويىندارىنىڭ اشىلۋ ءراسىمى ءار ءتۇرلى وتەدى عوي. كورەيالىقتار وزدەرىڭىز كورگەندەي بۇل ماڭىزدى شارانى اشىق اسپان استىندا وتكىزدى. جالپى جامان بولعان جوق. ولار تاريحىنان، مادەنيەتىنەن، سالت- داستۇرىنەن سىر شەرتەتىن قويىلىمدارىن، كورىنىستەرىن كورسەتە ءبىلدى.
- اشىق ستاديوندا وتكەن سالتاناتتى شەرۋدە توڭىپ قالعان جوقسىزدار ما؟
- مەن العاشىندا سولاي بولا ما ەكەن دەپ ويلاعام. بۇل اشىق ستاديون، سپورتشىلارىمىز توڭىپ قالارما ەكەن دەپ. جوق، مەن ويلاعانداي كوپ كۇتكەن جوقپىز. وليمپيادانى ۇيىمداستىرۋ كوميتەتى وسىعان دەيىن اشىلۋ سالتاناتىندا نە بولاتىنىن، سەناري قالاي بولاتىندىعىن جاسىرىن ۇستاپ كەلدى. سول ءۇشىن بىزدە العاشىندا ءسال الاڭداۋشىلىق بولعان ەدى. شارا ويداعىداي ءوتتى.
- تۋ كوتەرۋ شەرۋىنە شىققان سپورتشىلاردىڭ كوڭىل- كۇيلەرى قالاي بولدى؟ وليمپيادانى سەزىنگەنى بايقالدى ما؟
- ارينە، بارلىق سپورتشىلارىمىز وسى وليمپيادا ويىندارى دەپ كەلدى. ءار قايسىسىنىڭ كوكەيىندە جۇلدەگەر اتانساق دەگەن ارماندارى بار. ال وليمپيادانىڭ وسىنداي سالتاناتتى اشىلۋ ءراسىمى ءار سپورتشىعا ۇلكەن رۋح، كۇش- جىگەر سىيلايدى. ءبىزدىڭ سپورتشىلار دا جاقسى اسەر الدى دەپ ويلايمىن.
اۆتور: كۇنسۇلتان وتارباي
