قازاقتارعا اياعىن سۇيدىرگەن وزبەك سوپىسى تۋرالى نە بىلەمىز؟
ايتارلىقتاي قۇرمەت كورسەتىلگەن اقساقال كىم بولدى دەگەن سۇراق كوپ ادامدى مازالاعانى انىق. NUR. KZ پورتالى ءوزىن سوپىلاردىڭ ءپىرى سانايتىن قۇربانالى احمەت تۋرالى اقپاراتتى وقىرمان نازارىنا ۇسىنادى.
قۇربانالى احمەت قاجى ءدىنتانۋشىلار تاراپىنان قاسيەتتتى قۇراننىڭ سوزدەرىن بۇرمالاعانى ءۇشىن سىنعا ۇشىراعان. ءوزىنىڭ شاكىرتتەرى ونى ناقشبانديا تاريقاتىنىڭ 36-ءپىرى دەپ سانايدى.
تاشكەنتتە دۇنيەگە كەلگەن، ۇلتى - وزبەك.
قۇربانالى تۋرالى YouTube جەلىسىندە تارالعان ۆيدەودا ەلىمىزگە بەلگىلى ۋاعىزشى ارمان قۋانىشبايەۆ ءوز پىكىرىن بىلدىرەدى.
«ءبىزدىڭ قازاقستاندا ءپىرمىن دەپ جۇرگەن ەكى-اق ادام بار. ولاردىڭ بىرەۋىن مەن سىيلايمىن. ويتكەنى ول - سونداي تاقۋا كىسى. ول قاتتى ۋاعىز جاساپ، «سەنىكى بۇرىس، مەنىكى دۇرىس» دەپ، ەلدىڭ دۇربەلەڭىن شىعارمايدى. ال ەكىنشى كىسى عالامتوردا كوپ تارقاپ ءجۇر. ءوزىنىڭ ۋاعىزدارىن ايتادى. بۇل كىسى كەزىندە كوپ جەرلەردە ساباق بەردى، ءبىلىمىن تارقاتتى. كەيىن ول بولەك كەتىپ، وسىنداي ءبىر بولەك نارسەلەر ۇستاندى. كەيبىر اجەپتاۋىر ەلەۋلى ادامدار سول كىسىنىڭ سوڭىنان ەرىپ، ەتەگىن ۇستاپ، ءتىپتى اللاعا ايتىلاتىن زىكىردى سوعان ايتىپ جاتىر. «ءانتال عالي ءانتال حاق» دەگەن زىكىردى، ياعني «سەن حيدايات بەرۋشىسىڭ، سەن حاقيقاتسىڭ» دەگەن زىكىر تەك اللاعا ايتىلادى. ءبىراق وسى ءسوزدى «ءيا، حازىرەتىم» ، ياعني «سەن سوندايسىڭ» دەپ، وعان قۇلاپ تۇرىپ جىلاعاندارىن كورىپ جاتىرمىز. «سەن حاقسىڭ» دەيدى. حاقتىڭ كىم ەكەنىن بىلەسىزدەر، ول اللا.
ونى (ادامعا تابىنۋدى - رەد.) سوپىلىقتا دا قولدانباعان. ناقشباندي تاريحاتىنىڭ ءتۇبى - عىجدۋاني. ءبىراق سول كىسىنىڭ الىپ كەلگەن جولى بۇرمالانىپ كەلە جاتىر...
سول كىسىنىڭ ءوزى (قۇربانالى احمەتتى ايتىپ تۇرعان سياقتى - رەد.) 2012-جىلى 12- جەلتوقساندا قيامەت بولادى دەپ، ءوزىنىڭ جانىنداعى ادامدارعا قاتقان نان مەن وتىن جيناتقان بولاتىن. ەلەكتردىڭ ءبارى ءوشىپ قالادى، سوندىقتان وتىنمەن وت جاعىپ، قاتقان نانمەن كۇن كورەمىز، قالعانىنىڭ ءبارى ءولىپ قالادى دەگەن سياقتى نارسەلەر بولدى»، - دەيدى ارمان قۋانىشبايەۆ.
ءبىر كەزدەرى قۇربانالىمەن جەتە ارالاستىم دەگەن ابدىكارىم ءابدىمومىنوۆ «اباي. ك ز» پورتالىندا جاريالاعان ماتەريالىندا سوپىلاردىڭ ءپىرىن اداسقان دەپ سوگەدى.
«ءبىر كەزدە مەن قۇربانالى احمەتوۆ دەگەن كىسىمەن جاقىن ارالاسىپ، دوس-جاران بولدىم. مەن ونىڭ ۇيىنە باراتىنمىن، ول ماعان ۇيگە، جۇمىسقا كەلىپ تۇراتىن. شىندىعىنا كەلگەندە مەن قۇربانالى قۋانىش باۋىرىمىزدىڭ سوزىنە سەنىپ، «اتا ءدىنىمىزدى جالعاستىرىپ كەلە جاتقان يشان» دەپ ويلادىم. سۇڭقىلداپ سويلەگەندە سوزىندە كەمشىن جوق كورىندى. وزبەكىلىگى مەن اۋا جايىلۋشىلىعى بايقالىپ قالاتىن. مەن بۇل كىسىنى ەش ۋاقىتتا، ءتىپتى قۋانىش باۋىرىمىز ودان شوشىنىپ، ونىڭ الاياقتارمەن ارالاسىن ايتىپ كەلگەندە دە قۇربانالى «قۋ ءناپسىسىنىڭ قۇلى بولىپ، اقىلىن جەگىزىپ قويادى» دەپ ويلاماپپىن. بۇل ورايدا مەن قۋانىشقا ەمەس، «قۋانىش ءوزىن «قازاقستانعا حاليفا ەتپەدىڭ» دەپ قاپا بولىپ، ماعان قاساقانا بالە جاۋىپ ءجۇر» دەگەن قۇربانالىگە سەندىم. قازىر ويلاسام، ادام اداسام دەسە تال تۇستە دە اداسا بەرەدى ەكەن. سول كەزدە مەن قانشا جىل دوس بولىپ، جەكە امبيتسياسىن دىنىنەن ەش زور قويماعان قۋانىشقا ەمەس، ەندى كورگەن قۇربانالى سەنگەن ەكەنمىن»، - دەپ جازادى ول.
ەسكە سالساق، كەشە پورتالىمىزدا سوپىلىق باعىتتى ۇستاپ، ءوزىن ديۋانا شاحپىن دەپ جازعان ديدار اياپوۆ ەسىمدى جەلى قولدانۋشىسىنىڭ قاريانىڭ اياعىن سۇيگەندەردى اقتاپ شىققانىن جازعان بولاتىنبىز.
