ءۇندىستاننىڭ كوپتەگەن تۇرعىنى العاش رەت قاردىڭ جاۋعانىن كوردى

استانا. قازاقپارات - ءۇندىستاننىڭ سولتۇستىك اۋداندارىندا قار جاۋدى. اق ۇلپانىڭ قالىڭدىعى 15 سانتيمەترگە جۋىق. جەرگىلىكتى تۇرعىنداردىڭ كوپشىلىگى مەن تۋريستەر وسىنداي تابيعات قۇبىلىسىنا العاش رەت كۋا بولدى.

بۇدان باسقا، وسى ايماقتاعى توسىن تاعى ءبىر جايت: كۇن كۇرت سۋىتىپ، تەمپەراتۋرا پليۋس 5 كە دەيىن تومەندەگەن. ادەتتە قاڭتار ايىندا بۇل وڭىردەگى سىناپ باعاناسى 15 گرادۋستى كورسەتەتىن.

ءۇندىستاننىڭ وڭتۇستىك جانە ورتالىق بولىگىندە قار مۇلدە جاۋمايتىندىقتان، كوپ ادام دەمالىستارىن سولتۇستىكتە وتكىزىپ، سيرەك جاۋاتىن اق ۇلپانى كورىپ قالۋعا تىرىسادى. سينوپتيكتەر ءالى دە قار ءتۇسۋى مۇمكىن ەكەندىگىن العا تارتادى.

 پۋدجا، تۋريست:

- مەن وتباسىممەن اگرادان كەلدىم. ءبىز سونداي باقىتتىمىز، سەبەبى العاش رەت ناعىز قاردى كورىپ تۇرمىن. باسقا جاقتان وسىندا ارنايى ات باسىن تىرەدىك. العان اسەرىمدى ءومىر بويى ۇمىتپاسپىن .
www.24.kz