نەگە كۇلىپ ءجۇرۋ كەرەك؟

استانا. قازاقپارات -  كۇلكى ادامداردى جاسارتادى.اسىرەسە ايەل ادامدار كوپ كۇلەتىن بولسا، ميميكالىق اجىمدەر مەن جاس ۇزارعان سايىن پايدا بولاتىن بەت قىرتىستارى كوبەيىپ كەتەدى دەيدى عوي. نەگىزى، ولاي ەمەس.

كۇلگەن كەزدە بەت بۇلشىق ەتتەرى قاتايىپ، بەتكە قان تارايدى. كۇلكى بەتكە جاسالعان جاتتىعۋ عانا ەمەس، ەرتە قارتايۋعا قارسى قۇرال، بەت تەرىسىنىڭ ساۋلىعى.

2. كۇلكى جاقسى كوڭىل- كۇي سىيلاپ، دەپرەسسيادان قۇتقارادى.

كۇلگەن كەزدە بەت بۇلشىق ەتتەرى جۇيكە جۇيەسىنە اسەر ەتىپ، ميدىڭ قىزمەتىن جاقسارتاتىن ارنايى قىزمەت اتقارادى. دەپرەسسيا كەزىندە دارىگەرگە بارىپ، ءدارى ءىشىپ ۋاقىت وتكىزگەننەن گورى كوڭىلدى اڭگىمەلەر تىڭداپ، ءبىر كۇلىپ العان وڭاي شىعار.

كوڭىل كۇيىڭىز ونشا ەمەس كەزدە دە ەزۋىڭىزدى جازىپ، كۇلگەن بولىپ ءجۇرىڭىز. ونىڭ ءوزى ادامعا اسەر ەتپەي قويمايدى.

شىنايى جانىڭىزبەن 1 مينۋت كۇلىپ، 45 مينۋتقا ءومىرىڭىزدى ۇزارتاسىز.

3. كۇلكى يممۋنيتەتتى كوتەرەدى.

قازىرگى زاماننىڭ عالىمدارى كۇلكىنىڭ يممۋنيتەتكە اسەرىن انىقتادى. اسىرەسە قىستى كۇنى كوپ كۇلىپ جۇرۋگە تىرىسۋ كەرەك. سەبەبى كۇلگەن كەزدە بولىنەتىن ا يممۋنوگلوبۋلينى ادام اعزاسىن ءتۇرلى باكتەريالاردى قورعايدى ەكەن.

كۇلگەن كەزدە وكپەنىڭ اۋا اينالدىرۋ قابىلەتى جاقسارىپ، قان تامىرلارىنا كومىرقىشقىل گازى تارايدى. ول ءوز كەزەگىندە ارتەريالدى قان قىسىمىنىڭ الدىن الىپ، قانداعى قانت قۇرامىن رەتتەۋگە كومەكتەسەدى.

4. كۇلكى قان- تامىرلار جۇيەسىنە قىزمەت ەتەدى.

عالىمدار جۇرەگى اۋىراتىن ادامدارعا ءجيى كۇلىپ جۇرۋگە كەڭەس بەرەدى. كۇلكى جۇرەككە دەنە جاتتىعۋلارى سياقتى اسەر ەتەدى. 10 مينۋت بويى كۇلگەن ادامنىڭ قان قىسىمى 10-20 م م ر/س - عا تومەندەپ، گيپەرتونيانىڭ الدىن الۋعا مۇمكىندىك تۋادى. كۇلكى قان اينالىم جۇيەسىنە، تىنىس الۋ جۇيەسىنە وڭ اسەر ەتەدى.

«الاش ايناسى»