دەنيس تەن جاڭا جىلدى وتباسىنىڭ ورتاسىندا قارسى الماق
قازاقپارات تىلشىسىنە بەرگەن سۇحباتىندا ول جاڭا جىلدى ءوز ۇيىندە، وتباسىمەن بىرگە قارسى الۋدى جوسپارلاپ وتىرعانىن ايتتى.
«بۇل وتباسىلىق مەرەكە دەپ ويلايمىن، ءبىراق وكىنىشكە قاراي ونى ءداستۇرلى تۇردە ۇيدە قارسى الۋعا مۇمكىندىك تۋا بەرمەيدى. ماسەلەن، وتكەن جىلى وليمپيادا ويىندارىنا ازىرلەنىپ جاتقاندىقتان، جاڭا جىلدى اتاپ وتە المادىم. سوندىقتان بۇل كۇندى وتباسىمەن، جاقىندارىمەن بىرگە قارسى الۋىمدى ۇلكەن قۋانىش، سونداي-اق 2014 - جىلدىڭ جاقسى اياقتالۋى مەن 2015 -جىلدىڭ تاماشا باستالۋى دەپ ويلايمىن»، - دەپ اتاپ ءوتتى ول.
الداعى جىلى سپورتشىنى جاڭا ىستەر كۇتۋدە. دەنيس سەۋلدە وتەتىن ءتورت قۇرلىق چەمپيوناتىنا (ەۋروپا چەمپيوناتىنىڭ بالاماسى) جانە شاڭحايداعى الەم چەمپيوناتىنا قاتىسپاق.
«جاڭا جىلعا دەيىن ساناۋلى ساعاتتار قالدى. ءبىراق بۇل مەرەكەنىڭ بار ەرەكشەلىگى، ءىس جۇزىندە بولىپ جاتقاننىڭ ءبارى - كۇنتىزبەدەگى كۇننىڭ اۋىسۋى مەن ساعاتتارداعى جاڭا ۋاقىت قانا. ەگەر 2015 - جىلعا جويقىن جوسپارلارىڭىز بەن ۇلكەن ماقساتتارىڭىز بولسا، قازىردەن باستاي بەرىڭىز! ومىردەگى تاڭعاجايىپ نارسەلەر ءبىز ولاردى ءوز قولىمىزبەن جاساعاندا عانا جۇزەگە اسادى»، - دەپ تۇيىندەدى ايگىلى سپورتشى.
