اكىم تارازي

اكىم تارازي (ءاشىم) 1933- جىلى 9-قىركۇيەكتە الماتى قالاسىندا تۋعان. اباي اتىنداعى قازاق پەداگوگيكالىق ينستيتۋتىنىڭ فيلولوگيا فاكۋلتەتىن، ماسكەۋدەگى سسەناريستەردىڭ جوعارى كۋرسىن بىتىرگەن. 1962-70 - جىلدارى «قازاق فيلم» كينوستۋدياسىندا رەدكوللەگيا مۇشەسى، باس رەداكتورى، 1971-80 - جىلدارى كينوگەرلەر وداعى باسقارماسىنىڭ ءبىرىنشى حاتشىسى، 1986 -جىلى قازاقستان جازۋشىلار وداعىنىڭ حاتشىسى بولىپ ىستەگەن

العاشقى كىتابى «قۇيرىقتى جۇلدىز» پوۆەسى 1956- جىلى جارىق كورگەن. ودان بەرى «ۇلكەن اۋىل»، «قيان-سوقپاق»، «بۇلتقا سالعان ۇياسىن»، «تاسجارعان»، «قىز ماحاباتى»، «كەن»، «ءتاج» پوۆەستەرى مەن اڭگىمەلەرى، روماندارى جاريالاندى. سونداي-اق «كۇلمەيتىن كومەديا»، «جاقسى كىسى»، «جولى بولعىش جىگىت» ت.ب. پەسالاردىڭ، «تۇلپاردىڭ ءىزى»، «ارمان اتامان»، «قاراش-قاراش وقيعاسى»، «مۇستافا شوقاي» كينوفيلم سسەناريلەرىنىڭ اۆتورى. ق ر مەملەكەتتىك سىيلىعىنىڭ لاۋرەاتى.