وليمپيادا: قازاقستاندىق سپورتشىلاردىڭ 8- كۇنگى ناتيجەلەرى

پحەنچحان. قازاقپارات - قازاق ەلى ءۇشىن وڭتۇستىك كورەيانىڭ پحەنچحان قالاسىندا ءوتىپ جاتقان 23- قىسقى وليمپيادا ويىندارىنىڭ سەگىزىنشى كۇنى دە ءساتسىز اياقتالدى، دەپ حابارلايدى قازاقپارات ءتىلشىسى.

بۇگىن تاڭ اتا قازاقستاندىق مانەرلەپ سىرعاناۋدىڭ جۇلدىزى، سوچي وليمپياداسىنىڭ قولا جۇلدەگەرى، الەم چەمپيوناتىنىڭ كۇمىس جانە قولا جۇلدەگەرى، سونداي-اق، الماتىدا وتكەن 28-قىسقى ۋنيۆەرسيادانىڭ چەمپيونى دەنيس تەننىڭ جولىنا ۇمىتپەن قارادىق. الايدا، وتانداسىمىز قىسقا باعدارلامادا كورسەتكەن ناتيجەسىنەن كەيىن «كورەرمەندەر» قاتارىنا قوسىلدى.

دەنيس تەن جەكە ونەر كورسەتەتىن قىسقا باعدارلامادان 70,12 (30,77 +39,35) ۇپاي جينادى. ناتيجەسىندە 30 سپورتشىنىڭ ىشىنەن 27- ورىنعا تابان تىرەپ، ەرتەڭ ەركىن باعدارلامادا ونەر كورسەتەتىن ۇزدىك 24 سپورتشىنىڭ قاتارىنا ىلىنە المادى.

ەندى شاڭعىشىلارىمىزعا ورالار بولساق، بۇگىن شاڭعى جارىسىنان ەرلەر اراسىندا ەركىن ستيلدەن 15 شاقىرىمدىق جارىس وتكەن بولاتىن. وندا ەل نامىسىن دەنيس ۆولوتكا، ەۆگەني ۆەليچكو جانە ۆيتاليي پۋحكالو قورعاپ، ۇشەۋى دە جۇلدەلى ورىنداردان قۇر قالدى. سونىمەن اتالعان قاشىقتىقتى وتانداستارىمىز اراسىنان پۋحكالو 36:57.4 ۋاقىتتا باعىندىرىپ، مارەگە 54- بولىپ جەتتى. ال ەۆگەني ۆەليچكو (37:28.6) 61-، ۆولوتكا بولسا (37:39.8) 64- ورىنعا تۇراقتادى.

سونداي-اق، بۇگىن تاۋ شاڭعى جارىسىنان ەل نامىسىن قورعاعان يگور زاكۋردايەۆ 41-ورىننان اسا المادى.

قازاقستاندىقتار ءۇشىن بۇگىنگى جارىستى ۇلكەن ترامپليننەن شاڭعىمەن سەكىرۋ سايىسىنان سەرگەي تكاچەنكو جاقسى كورسەتكىشپەن اياقتادى. ول بۇل سايىستا 70,9 ۇپاي جيناپ، ەرتەڭ، ياعني 17- اقپاندا وتەتىن ەكىنشى ىرىكتەۋ سايىسىنا جولداما الدى.

ەستەرىڭىزگە سالا كەتەيىك، 9- اقپاندا الاۋى تۇتانعان اق وليميادا ويىندارىنا قازاقستان 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال، جالپى وليمپيادا ويىندارىندا سپورتتىڭ 15 تۇرىنەن 102 مادال جيىنتىعى ساراپقا سالىنادى. جارىس 25-اقپاندا ءوز مارەسىنە جەتەدى.