10:04, 16 - ءساۋىر 2018 | GMT +5
قازاقستاندىق بوكسشىلار حالىقارلىق جارىستا 7 مەدال يەلەندى
استانا. قازاقپارات - قازاقستاندىق بوكسشىلار ۋكراينانىڭ حەرسون قالاسىندا وتكەن نيكولاي مانگەر مەموريالىندا جاقسى ناتيجە كورسەتتى.
بۇل تۋرالى قازاقپارات ۇ و ك باسپا ءسوز قىزمەتىنە سىلتەمە جاساپ حابارلايدى.
اتالمىش جارىس ءساۋىردىڭ 10 ى مەن 14 ى ارالىعىندا ءوتتى.
ءبىزدىڭ بوكسشىلار جالپى سانى جەتى مەدالعا قول جەتكىزدى: ءۇش التىن، ەكى كۇمىس جانە ەكى قولا.
چەمپيون اتاعىنا يە بولعاندار: جاندوس نەسىپجان (49 كەلى)، نۇربول قالجانوۆ (56 كەلى) جانە قۋان قۋاتوۆ (64 كەلى). كۇمىس جۇلدە ازات ماحمەتوۆ (52 كەلى) پەن نۇربولات سەرماحانوۆتىڭ (+91 كەلى) ەنشىسىندە. قولا مەدالدى قاناعات مارالوۆ (69 كەلى) پەن ەرىك ءالجانوۆ (75 كەلى) يەلەندى.
