الماتى مەكتەپتەرىندە 6 مىڭنان استام بەينەكامەرا ورناتىلدى
الماتى قالالىق پوليتسيا دەپارتامەنتىنىڭ مالىمەتىنشە، قالاداعى 214 مەملەكەتتىك جانە 100 جەكەمەنشىك مەكتەپتىڭ قاۋىپسىزدىك جۇيەسى تەكسەرىلدى.
الماتىدا قالالىق ءبىلىم باسقارماسى مەن پوليتسيا دەپارتامەنتىنىڭ ءبىلىم بەرۋ ۇيىمدارىندا ءبىلىم الۋشىلاردىڭ قاۋىپسىزدىگىن، بەينەباقىلاۋ جۇيەلەرىنىڭ جابدىقتالۋىن، قىزمەتكەرلەر مەن كەلۋشىلەردى ەسكەرتۋ قۇرالدارىن، دابىل تۇيمەلەرىن، قاۋىپسىزدىك دابىلى مەن فيزيكالىق قاۋىپسىزدىكتى تەكسەرۋ بويىنشا بىرلەسكەن كوميسسياسى قۇرىلعان. بۇل تۋرالى الماتى قالالىق پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى ەرجان ۇزابايەۆ ايتتى.
«بۇگىنگى تاڭدا قالا مەكتەپتەرىندە 6739 بەينەباقىلاۋ كامەراسى جۇمىس ىستەيدى. ولاردىڭ باسىم بولىگى جەدەل باسقارۋ ورتالىعىمەن بىرىكتىرىلگەن. سونىمەن قاتار، ءبىلىم بەرۋ ۇيىمدارىندا جۇرگىزىلگەن تەكسەرۋ قالانىڭ بارلىق مەكتەبىندە دابىل تۇيمەلەرى ورناتىلعانىن جانە جۇمىس ىستەپ تۇرعانىن كورسەتتى، - دەدى ەرجان ۇزابايەۆ.
ول، سونداي-اق، ءبىلىم بەرۋ مەكەمەلەرى دابىل جۇيەسىمەن جابدىقتالعانىن، ولاردا داۋىس زورايتقىش جۇيەسى بار ەكەنىن مالىمدەدى.
