قازاقستاننان شەتەلگە جانارماي اكەتۋدىڭ 288 فاكتىسى اشكەرە بولدى
قازاقستان اۋماعىنان بەنزين، ديزەل وتىنىن جانە مۇناي ونىمدەرىنىڭ كەيبىر تۇرلەرىن اۆتوموبيل كولىگىمەن اكەتۋگە تىيىم سالىنعان ساتتەن باستاپ مەملەكەتتىك كىرىستەر ورگاندارى مۇناي ونىمدەرىن ءۇشىنشى ەلدەرگە زاڭسىز اكەتۋدىڭ 94 فاكتىسىن انىقتادى.
ول بويىنشا سوت 1,5 ميلليون تەڭگەدەن استام ايىپپۇل سالىپ، 2341 ليتر بەنزين مەن 25335 ليتر ديزەل تاركىلەندى.
ە ا ە و مەملەكەتتەرىمەن شەكارادا 63 مىڭ ليتردەن استام (63820 ل) جانار- جاعارماي ونىمدەرىن شىعارۋدىڭ 194 فاكتىسى انىقتالدى.
مەملەكەتتىك كىرىستەر كوميتەتى جوعارىدا كورسەتىلگەن تىيىم (31.01.2023ج.) كۇشىنە ەنگەن كۇننەن (31 -قاڭتار 2023 -جىل) باستاپ ەلەكتروندى دەكلاراتسيالاۋدىڭ «استانا-1» اقپاراتتىق جۇيەسىندە مۇناي ونىمدەرىن كەدەندىك دەكلاراتسيالاۋعا جول بەرمەۋ ءۇشىن ءتيىستى شارا قابىلداعان.
وسى شەكتەۋگە قاتىستى اكىمشىلەندىرۋ جۇمىستارى تۇراقتى نەگىزدە التى ايلىق تىيىم كەزەڭىندە جۇزەگە اسىرىلادى.
