پحەنچحان-2018: مەدالدىق ەسەپتە كوش باستاپ تۇرعان ەلدەر

استانا. قازاقپارات - وڭتۇستىك كورەيادا ءوتىپ جاتقان قىسقى وليمپيادا ويىندارىنىڭ 16 -اقپان كۇنگى جارىس ناتيجەلەرى بويىنشا كوش باستاپ تۇرعان ەلدەردىڭ ءتىزىمى وزگەرىسسىز قالدى، دەپ حابارلايدى قازاقپارات ءتىلشىسى.

جالپى ەسەپتە ۇزدىك بەس مەملەكەتتىڭ الدىندا گەرمانيا تۇر. نەمىس سپورتشىلارىنىڭ ەنشىسىندە 9 التىن، 2 كۇمىس جانە 4 قولا مەدال بار.

ەكىنشى ورىنعا 6 «التىن»، 8 «كۇمىس» جانە 5 «قولامەن» نورۆەگيالىقتار ورنالاسىپ وتىر.

ال 6 التىن، 5 كۇمىس جانە 3 قولا مەدالدارى بار نيدەرلاندى قۇراماسى ازىرگە ءۇشىنشى ورىندا.

ا ق ش سپورتشىلارى ءتورتىنشى كەلەدى، ولاردىڭ ەنشىسىندە 5 التىن، 1 كۇمىس جانە 2 قولا جۇلدە بار.

توپ- بەستىكتى وسى ۋاقىتقا دەيىن 4 «التىن»، 5 «كۇمىس» جانە 4 «قولا» جەڭىپ العان كانادا ەلى تۇيىندەپ تۇر.

ال 21-ورىنعا ورنالاسىپ وتىرعان قازاقستان قۇراماسىندا ازىرگە ءبىر قولا مەدال بار. جالعىز جۇلدەنى ەل قورجىنىنا 11 -اقپان كۇنى فريستايلشى يۋليا گالىشەۆا سالعان بولاتىن.

ەسكە سالايىق، 9 -اقپاندا الاۋى تۇتانعان اق وليمپيادا ويىندارىنا قازاقستان سپورتشىلارى 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال جالپى وليمپيادا ويىندارىندا سپورتتىڭ 15 تۇرىنەن 102 مەدال جيىنتىعى ساراپقا سالىنادى. جارىس 25 -اقپاندا اياقتالادى.

ميرا تولەندى قىزى