جاڭا باپتاۋلار اتا-انالارعا بالاسىنىڭ جەكە دەرەكتەرىن قورعاۋعا قاتىستى كەيبىر پارامەترلەرىن باسقارۋعا جانە ونىڭ بەلگىلى ءبىر ارەكەتتەرى تۋرالى حابارلاما الىپ وتىرۋعا مۇمكىندىك بەرەدى، دەپ حابارلايدى BBC.
جاسءوسپىرىم قانداي دا ءبىر توپقا قوسىلسا نەمەسە ودان شىقسا، بۇل تۋرالى اتا-اناسىنا حابارلاما كەلەدى. سونىمەن قاتار ولار بالاسىنىڭ WhatsApp تاعى جەكە پاراقشاسىنا قاتىستى ءبىرقاتار باپتاۋدى وزدەرى رەتتەي الادى.
بۇل رەتتە ءجاسوسپىرىمنىڭ جەكە حات-حابارىنا اتا-اناسى قول جەتكىزە المايدى. ولار بالاسىنىڭ كىمگە جازعانىن، قانداي حابارلاما جىبەرىپ نە العانىن جانە كىممەن سويلەسكەنىن كورمەيدى. بۇل اقپارات قۇپيا تۇردە قورعالىپ، ارنايى قاۋىپسىزدىك جۇيەسى ارقىلى ساقتالادى.
جاڭا مۇمكىندىكتەردى ءار وتباسى ءوز قالاۋىنا قاراي پايدالانادى. اتا-انالار باپتاۋلاردى كەز كەلگەن ۋاقىتتا وزگەرتىپ، قاجەت بولسا، بۇل مۇمكىندىكتەردى تولىق وشىرە الادى.
بۇل باپتاۋلاردى باسقارۋ ءۇشىن اتا-انا ارنايى PIN كود ورناتادى. ەگەر جاسءوسپىرىم قويىلعان شەكتەۋلەردى ءوز بەتىنشە الىپ تاستاۋعا ارەكەت ەتسە، سول كودتى ەنگىزۋى قاجەت بولادى.
اتا-انا جاسءوسپىرىمنىڭ پروفيل سۋرەتىن كىمدەر كورە الاتىنىن جانە ونى توپقا كىمدەر قوسا الاتىنىن دا شەكتەي الادى. سونداي-اق بالاعا WhatsApp تاعى ارنالاردى پايدالانۋعا رۇقسات بەرۋدى نەمەسە شەكتەۋدى اتا-انا ءوزى شەشەدى. ارنالاردا ۇيىمدار مەن قوعام بەلسەندىلەرى ءتۇرلى اقپارات پەن كونتەنت جاريالايدى.
جاڭارتۋدا WhatsApp قا كىرىكتىرىلگەن Meta Ai كومەكشىسىنە دە وزگەرىس ەنگىزىلەدى. اتا-انا «13 » ستاندارتتى رەجيمىن تاڭداي الادى نەمەسە مازمۇنى قاتاڭىراق سۇزگىدەن وتەتىن «شەكتەۋلى كونتەنت» رەجيمىن ىسكە قوسا الادى.
WhatsApp وكىلدەرى جاڭا مۇمكىندىكتەر اتا-انا مەن ءجاسوسپىرىم اراسىندا مەسسەندجەردى پايدالانۋ جونىندە اشىق اڭگىمە قالىپتاستىرىپ، جەكە حات- حاباردىڭ سىرت كوزگە جاريا بولماۋىن قامتاماسىز ەتۋگە باعىتتالعانىن اتاپ ءوتتى.
الەۋمەتتىك جەلىلەر ساراپشىسى مەتت ناۆاررا اتالعان باپتاۋلاردى اتا-انالار ءوز ەركىمەن قوساتىنىنا نازار اۋداردى. ونىڭ پىكىرىنشە، مۇنداي جاعدايدا Meta قولدانۋشىلاردىڭ جاسىن انىقتاۋ جاۋاپكەرشىلىگىنەن ءبىرشاما بوساپ، جاسوسپىرىمدەردىڭ قاۋىپسىزدىگىنە قاتىستى مىندەتتىڭ ءبىر بولىگىن وتباسىنا جۇكتەۋى مۇمكىن.
ناۆاررا اتا-انالاردىڭ بۇل مۇمكىندىكتەردى قانشالىقتى ءجيى پايدالاناتىنى ازىرگە بەلگىسىز ەكەنىن دە اتاپ ءوتتى.
بۇل وزگەرىس تەحنولوگيالىق كومپانيالارعا بالالاردىڭ قاۋىپسىزدىگىن كۇشەيتۋ تالابى ارتىپ وتىرعان تۇستا ەنگىزىلىپ وتىر. ۇكىمەتتەر مەن رەتتەۋشى ورگاندار تسيفرلىق پلاتفورمالاردا بالالار مەن جاسوسپىرىمدەردىڭ قاۋىپسىزدىگىن قامتاماسىز ەتۋدى تالاپ ەتىپ كەلەدى.
بۇعان دەيىن WhatsApp 13 جاسقا دەيىنگى بالالار ءۇشىن شەكتەۋلى فۋنكتسيونالدى ارنايى اككاۋنتتاردى ىسكە قوساتىنىن حابارلاعان بولاتىنبىز. اتا-انالار مەن قامقورشىلار بالامەن كىمدەردىڭ بايلانىسا الاتىنىن جانە ونىڭ قانداي توپتارعا قوسىلا الاتىنىن باقىلاي الادى.