ۋتيلالىمدى جويۋ ەسكى كولىكتەردىڭ كوبەيۋىنە ءارى ەكولوگيانىڭ ناشارلاۋىنا اكەلىپ سوعادى - رومان سكليار

 قازىرگى تاڭدا قازاقستاندا 20 ميلليون تۇرعىنعا شاققاندا 5 ميلليوننان استام اۆتوموبيل بار.

بارلىق كەدەرگىلەردى، سونىڭ ىشىندە 3 جىلدان اسقان اۆتوموبيلدەرگە تىركەۋ الىمىن الىپ تاستاۋ ەسكى ماشينالاردىڭ ەلىمىزگە كوپتەپ جەتكىزىلۋىنە، ەكولوگيالىق جاعدايدىڭ ەداۋىر ناشارلاۋىنا اكەلىپ سوعادى. بۇل تۋرالى ءبىرىنشى ۆيتسە- پرەمەر رومان سكليار Primeminister.kz سايتىنا بەرگەن سۇحباتىندا ايتتى.

«ادامداردان «ءسىز وسىنداي ەسكى كولىكتەردەن بولىنەتىن زياندى گازبەن دەمالعىڭىز كەلە مە؟» دەپ سۇراۋ كەرەك. بارلىق پىكىر ەسكەرىلۋى قاجەت. سونداي- اق ءبىزدىڭ زاۋىتتارعا بارىپ، وندا جۇمىس ىستەيتىن ادامدارمەن سويلەسۋگە كەڭەس بەرەر ەدىم. كاسىپورىنداردا لوكاليزاتسيا وتە جوعارى، ونىڭ ىشىندە بۇل اۋىلشارۋاشىلىق تەحنيكاسىنا قاتىستى: بارلىق قوندىرمالار، تىركەمە جابدىقتارى، كابينالار دانەكەرلەۋ، بوياۋ، كەسۋ، ءيىلدىرۋ بويىنشا تەحنيكالىق وپەراتسيالار جۇزەگە اسىرىلادى. ءبىزدىڭ باستى مىندەتىمىز - لوكاليزاتسيانى ارتتىرۋعا ۇمتىلۋ. ۇكىمەتتىڭ قازىرگى العا قويعان ماقساتى - ەلىمىزگە مۇمكىندىگىنشە كوپ پايدا اكەلۋ ءۇشىن ىلەسپە وندىرىستەردى قۇرۋ. وتكەن جىلى وتاندىق اۆتووندىرۋشىلەر 142 مىڭ اۆتوموبيل شىعاردى. وسى جاڭا كولىكتەردى ساتىپ العاندار ۋتيليزاتسيالىق الىم تولەگەن جوق. ءبىز ءاربىر ازامات ءوسۋ بەنەفيتسيارى بولىپ تابىلاتىن ءوز ءوندىرىسىمىز بەن ونەركاسىبىمىزدىڭ دامۋىن ىنتالاندىرامىز» - دەپ اتاپ ءوتتى رومان سكليار.