بۇل تۋرالى ق ر جاساندى ينتەللەكت جانە سيفرلىق دامۋ ۆيتسە-ءمينيسترى باقتيار مۇحامەتقاليەۆ ءمالىم ەتتى.
ونىڭ ايتۋىنشا، بۇل تالاپتار كونتەنت اۆتورلارىنا عانا ەمەس، قازاقستان اۋماعىندا قىزمەت كورسەتەتىن سيفرلىق پلاتفورمالارعا دا قاتىستى.
- TikTok قازاقستاندا رەسمي تۇردە جۇمىس ىستەيدى. باسقا پلاتفورمالاردىڭ ەلىمىزدە كەڭسەسى بولماۋى مۇمكىن. دەگەنمەن زاڭدى تۇلعا رەتىندە ولار دا قازاقستان زاڭناماسىنىڭ تالاپتارىن ساقتاۋعا مىندەتتى،-دەدى ۆيتسە-مينيستر.
باقتيار مۇحامەتقاليەۆتىڭ ايتۋىنشا، جاساندى ينتەللەكت ارقىلى جاسالعان كونتەنتتى تاڭبالاۋ سايلاۋ ناۋقانى كەزىندە عانا ەمەس، كۇندەلىكتى ومىردە دە ماڭىزدى. سەبەبى سوڭعى ۋاقىتتا ج ي كومەگىمەن جاسالاتىن جالعان اقپارات پەن الاياقتىق ارەكەتتەر كوبەيىپ كەلەدى.
ەسكە سالايىق، قازاقستاننىڭ ستراتەگيالىق زەرتتەۋلەر ينستيتۋتى (ق س ز ي) الاڭىندا بۇگىن سايلاۋالدى ناۋقانداعى جاساندى ينتەللەكتىنىڭ ءرولى، سيفرلىق تەحنولوگيالاردىڭ ىقپالى جانە فەيك اقپاراتپەن كۇرەس ماسەلەلەرى تالقىلانىپ جاتىر.