قۇرىلتاي بيۋروسىنىڭ وتىرىسى ماڭعىستاۋ وبلىسىنداعى اسكەري وقۋ-جاتتىعۋ كەزىندە قازا تاپقان اسكەري قىزمەتشىلەردى ەسكە الۋ ءۇشىن ءبىر مينۋت ۇنسىزدىكپەن باستالدى. قۇرىلتاي ءتوراعاسى ايبەك دادەباي قازا تاپقانداردىڭ وتباسىلارى مەن جاقىندارىنا كوڭىل ايتتى.
- ماڭعىستاۋ وبلىسىندا قىزمەتتىك مىندەتتەرىن اتقارۋ كەزىندە اسكەري قىزمەتشىلەردىڭ قازا بولۋى - بۇكىل حالقىمىز ءۇشىن ۇلكەن قايعى. وسىعان بايلانىستى مەملەكەت باسشىسى 25-قىركۇيەكتى جالپىۇلتتىق ازا تۇتۋ كۇنى دەپ جاريالادى. بارلىق دەپۋتاتتاردىڭ اتىنان قازا تاپقان ازاماتتاردىڭ وتباسىلارىنا كوڭىل ايتامىن. بۇل ءبارىمىز ءۇشىن ورنى تولماس قاسىرەت، - دەدى ايبەك دادەباي.
قۇرىلتاي ءتوراعاسى مەن دەپۋتاتتارى قازا تاپقان جانە زارداپ شەككەن اسكەري قىزمەتشىلەردىڭ وتباسىلارىنا كومەك كورسەتۋ ءۇشىن ەرىكتى تۇردە قاراجات جيناۋدى قولدادى. قازىرگى ۋاقىتتا جەكە قاراجات ەسەبىنەن 146 ميلليون 650 مىڭ تەڭگە جينالدى. قاراجات «ۇلتتىق رۋح» قورىنا اۋدارىلادى. قاراجات جيناۋ جالعاسىپ جاتىر. دەپۋتاتتار ايداربەك قوجانازاروۆ، رۋسلان يدريسوۆ، مەيىرحات قاسىمبايەۆ، بەكجان ايتقۇلوۆ، ماحامبەت حاسەنوۆ ءارقايسىسى 20 ميلليون تەڭگەدەن، دانا مەدەۋوۆا، ايجان نايمبەكوۆا جانە باۋىرجان جامالوۆ ءارقايسىسى 10 ميلليون تەڭگەدەن، تۇراربەك تىلەمىسوۆ، مۇراتبەك مۇحامبەديەۆ، مۇسا حايرۋلليەۆ ءارقايسىسى 5 ميلليون تەڭگەدەن، بەگالى ەراليەۆ 500 مىڭ تەڭگە جانە باسقالارى قاراجات ءبولدى.
ايتا كەتەلىك «ادىلەت» پارتياسى قازا تاپقان اسكەري قىزمەتشىلەردىڭ وتباسىلارىنا 1,5 ميلليارد تەڭگە اۋداراتىنى تۋرالى جازعان ەدىك.