تالدىقورعان - وسكەمەن باعىتىنداعى جول بيىل تولىق قولدانىسقا بەرىلەدى

استانا. KAZINFORM - ۇكىمەت وتىرىسىندا كولىك ءمينيسترى مارات قارابايەۆ «تالدىقورعان - وسكەمەن» باعىتىنداعى جولدىڭ بيىل تولىق قولدانىسقا بەرىلەتىنىن ايتتى.

«تالدىقورعان - وسكەمەن» اۆتوجولىنىڭ ۇزىندىعى - 768 شاقىرىم. بۇگىنگى كۇنى 751 شاقىرىمىندا اسفالتتىڭ تومەنگى قاباتى توسەلگەن بولسا، ۇستىڭگى قاباتتىڭ 391 شاقىرىمى توسەلگەن. ۋچاسكەگە 700 دەن استام جول تەحنيكاسى، 1 مىڭنان استام قىزمەتكەر جۇمىلدىرىلعان»، - دەدى ول.

مينيستر شىلدە ايىندا جەتىسۋ وبلىسىندا ۇزىندىعى 91 شاقىرىم بولاتىن 2 ۋچاسكە پايدالانۋعا بەرىلەتىنىن ايتتى..

«جوبا بويىنشا جۇمىستىڭ قالعان كولەمى اباي وبلىسى اياگوز قالاسىنىڭ اينالمالى جولىندا جۇرگىزىلىپ جاتىر. جالپى جىلدىڭ سوڭىنا دەيىن جۇمىستاردىڭ ءبارى اياقتالىپ، تاپسىرىلادى»، - دەدى مارات قارابايەۆ.

اۆتور
ەسىمجان ناقتىباي