كوميسسيانى قازاقستان رەسپۋبليكاسى قاۋىپسىزدىك كەڭەسى ءتوراعاسىنىڭ ورىنباسارى ايدا بالايەۆا باسقارادى.
- قازاقستان رەسپۋبليكاسىنىڭ قورعانىس مينيسترلىگىندەگى ىستەردىڭ جاي-كۇيىنە، ونىڭ ىشىندە اسكەري قۇرىلىمداردى قارجىلىق جانە ماتەريالدىق-تەحنيكالىق قامتاماسىز ەتۋ سالاسىنداعى جاعدايعا كەشەندى تەكسەرۋ جۇرگىزۋ ماقساتىندا قازاقستان رەسپۋبليكاسىنىڭ قورعانىس مينيسترلىگىندەگى ىستەردىڭ جاي-كۇيىنە كەشەندى تەكسەرۋ جۇرگىزۋ جونىندەگى كوميسسيا قۇرىلسىن،-دەلىنگەن قۇجاتتا.
كوميسسيا قۇرامى:
بالايەۆا ايدا عالىم قىزى - قازاقستان رەسپۋبليكاسى قاۋىپسىزدىك كەڭەسى ءتوراعاسىنىڭ ورىنباسارى، كوميسسيا ءتوراعاسى؛
سمايىلوۆ ءاليحان اسحان ۇلى - قازاقستان رەسپۋبليكاسى جوعارى اۋديتورلىق پالاتاسىنىڭ ءتوراعاسى، كوميسسيا ءتوراعاسىنىڭ ورىنباسارى؛
جيەنبايەۆ ەرجان نۇرلان ۇلى - قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى؛
ەليمانوۆ جانات قالدىبەك ۇلى - قازاقستان رەسپۋبليكاسى قارجىلىق مونيتورينگ اگەنتتىگىنىڭ ءتوراعاسى؛
بايمۇقاشيەۆ مۇرات قاليبەك ۇلى - قازاقستان رەسپۋبليكاسى قاۋىپسىزدىك كەڭەسى اپپاراتىنىڭ باسشىسى؛
تاكيەۆ ءمادي توكەش ۇلى - قازاقستان رەسپۋبليكاسىنىڭ قارجى ءمينيسترى؛
ومىراليەۆ جاندوس جانىبەك ۇلى - قازاقستان رەسپۋبليكاسى باس پروكۋرورىنىڭ ءبىرىنشى ورىنباسارى؛
التىنبايەۆ ءالي ساپارعالي ۇلى - قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى؛
ءامرين ازامات كەمەڭگەر ۇلى - قازاقستان رەسپۋبليكاسىنىڭ ۇلتتىق ەكونوميكا ءبىرىنشى ۆيتسە- ءمينيسترى.
كوميسسيا جۇرگىزىلگەن جۇمىستىڭ العاشقى ناتيجەلەرى تۋرالى جەتى كۇن ىشىندە بايانداۋعا ءتيىس.
ەسكە سالايىق، 2026 -جىلعى 24-قىركۇيەكتە كاسپييدەگى اسكەري وقۋ-جاتتىعۋ كەزىندە 12 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى.