ءمينيستردىڭ ايتۋىنشا، قازاقستاندىق ماماندار كرەمني القابىنىڭ تاجىريبەسىن زەرتتەۋى كەرەك. الايدا تۇپكى ماقسات شەتەلگە كەتۋ نەمەسە ءىرى كومپانياعا جۇمىسقا ورنالاسۋمەن شەكتەلمەۋى ءتيىس.
- كرەمني القابىنىڭ تاجىريبەسىن زەرتتەڭىزدەر. ءبىراق ءبىزدىڭ ماقساتىمىز - جاھاندىق كومپانيالاردى وسىندا قۇرىپ، قازاقستان ەكونوميكاسىن جانە Alatau City- ءدى دامىتۋ، - دەدى جاسلان ماديەۆ.
ول جاستاردى مەملەكەتتىك قىزمەت پەن ۇلتتىق كومپانيالاردا جۇمىس ىستەۋدى باستى ماقسات ەتپەي، ءوز كومپانياسىن قۇرىپ، جاڭا جۇمىس ورىندارىن اشۋعا شاقىردى.
ماديەۆتىڭ سوزىنشە، بۇگىندە قازاقستاندا تەحنولوگيالىق جوبالاردى دامىتۋعا قاجەتتى ورتا قالىپتاسىپ كەلەدى. سونىڭ ءبىرى - alem.ai ورتالىعى. مۇندا ءبىلىم بەرۋ، زەرتتەۋ جۇرگىزۋ جانە ستارتاپتاردى قولداۋ باعىتتارى ءبىر جەردە توعىستىرىلعان.
- TUMO كرەاتيۆتى تەحنولوگيالار ورتالىعىندا وقۋشىلار سيفرلىق جانە كرەاتيۆتى تەحنولوگيالاردى مەڭگەرسە، Tomorrow School ەرەسەكتەرگە باعدارلامالاۋ مەن جاساندى ينتەللەكتىنى باستاپقى دەڭگەيدەن تەگىن ۇيرەنۋگە مۇمكىندىك بەرەدى. قىركۇيەكتە كاسىپكەرلەر، ينجەنەرلەر مەن زەرتتەۋشىلەردى بىرىكتىرەتىن Network School جۇمىسىن باستادى. ال 1-قىركۇيەكتەن باستاپ Qazaq Ai Research University-دە وقۋ باستالدى، - دەدى مينيستر.
سونىمەن قوسا ول قازاقستاندىق Higgsfield كومپانياسىنىڭ جەتىستىگىن دە مىسالعا كەلتىردى. ونىڭ ايتۋىنشا، حالىقارالىق تاجىريبەدە ەلدەن العاشقى ميلليارد دوللارلىق ستارتاپ شىققاننان كەيىن باسقا دا وسىنداي كومپانيالاردىڭ پايدا بولۋىنا جول اشىلادى.
- Higgsfield جەتىستىگى قازاقستاندا قۇنى 1 ميلليارد دوللاردان اساتىن جاڭا ستارتاپتار قۇرۋعا مۇمكىندىك بار ەكەنىن كورسەتتى. ءارقايسىڭىز AI- كاسىپكەر اتانىپ، بولاشاقتا وسىنداي كومپانيانىڭ نەگىزىن قالاي الاسىزدار، - دەدى ول.
جاسلان ماديەۆ ستارتاپ قۇرۋ ۇزاق ۋاقىتتى جانە بىرنەشە كەزەڭنەن تۇراتىن قارجىلاندىرۋدى قاجەت ەتۋى مۇمكىن ەكەنىن ايتتى. سوندىقتان جوبانى باستاعان ساتتەن باستاپ نارىقتاعى سۇرانىستى انىقتاپ، ءونىمنىڭ ءوز تۇتىنۋشىسىن تابۋىنا ءمان بەرۋ قاجەت.
- كەي جاعدايدا ستارتاپقا 6-7 كەزەڭمەن ينۆەستيتسيا تارتۋعا تۋرا كەلەدى. ءتىپتى 100 ميلليون دوللار قارجى تارتقاننان كەيىن دە كومپانيا دامۋىن توقتاتپاي، تەحنولوگياسىن جەتىلدىرىپ، جاڭا نارىقتارعا شىعۋى ءتيىس، - دەدى سپيكەر.
مينيستر قازاقستاننىڭ الداعى جىلدارى دامىتۋعا باسىمدىق بەرەتىن جاڭا سالالارىن دا اتادى. ولاردىڭ قاتارىندا جاساندى ينتەللەكت ەكونوميكاسى، كريپتويندۋستريا، اكتيۆتەردى توكەنيزاتسيالاۋ، عارىش سالاسى بار. بۇل باعىتتا Alatau City-گە دە ەرەكشە ءمان بەرىلىپ وتىر.
سونىمەن بىرگە ەل كريتيكالىق مينەرالداردى تەك وندىرۋمەن شەكتەلمەي، ولاردى تەرەڭ وڭدەۋگە باسىمدىق بەرمەك. قازاقستان باتارەيا، چيپ جانە جارتىلاي وتكىزگىش وندىرىسىندەگى جاھاندىق تىزبەكتەن ءوز ورنىن الۋدى كوزدەيدى.
- الداعى 5-10 جىلدا وسى سالالار قازاقستان ەكونوميكاسىنىڭ جاڭا باعىتتارىن دامىتۋعا ەلەۋلى ۇلەس قوسۋى ءتيىس. ءول ۇشىن ەلگە ينجەنەرلەر، ازىرلەۋشىلەر مەن تەحنولوگيالىق كاسىپكەرلەر قاجەت، - دەدى جاسلان ماديەۆ.
ايتا كەتەيىك، بۇگىن باستالعان HackAlem Aى حاكاتونىنا 2500 دەن استام ادام قاتىسىپ جاتىر. ولار بەس ساعات ىشىندە ەكونوميكانىڭ 10 باعىتىنىڭ ءبىرى بويىنشا جۇمىس ىستەيتىن جاساندى ينتەللەكت اگەنتىن ازىرلەۋى كەرەك.
حاكاتون فيناليستەرى 29-قىركۇيەكتە Demo Day اياسىندا ءوز جوبالارىن تانىستىرادى. جەڭىمپازدار 1-قازاندا AI Digital Bridge 2026 الاڭىندا ماراپاتتالادى.