قازاقستاندا توعىز ايدا 82 مىڭنان استام جەڭىل كولىك شىعارىلدى

استانا. قازاقپارات- ەلدە ساتىلعان 10 كولىكتىڭ 9-ى قازاقستاندا جينالعان. قىركۇيەككە دەيىن ىشكى نارىقتا 137106 جاڭا جەڭىل جانە كوممەرتسيالىق كولىك ساتىلدى، دەپ حابارلايدى 24kz.

الايدا، ساۋىردەن بەرگى كورسەتكىش وڭالا قويعان جوق. ءوندىرىس تە باياۋلادى. ۇكىمەت 2029 -جىلعا قاراي ەلىمىزدەگى ماشينا ءوندىرىسىن 2 ەسە ارتتىرماق. بۇل ءۇشىن سالانىڭ وڭدەۋ ونەركاسىبىندەگى ۇلەسىن ارتتىرۋ كەرەك. قازىر ول شاماسىندا. 9 ايدا ەلدە 82 مىڭنان استام جەڭىل كولىك شىعارىلدى. بۇل بىلتىرعى سايكەس كەزەڭنەن % 17- كە از. ساتىلىم دا تومەندەگەن. وتكەن ايدا 18 مىڭعا جۋىق جاڭا كولىك ساتىلدى.

ساۋىردەن بەرى نارىقتا ءوسىم بولماعان. اۆتوكولىك وداعىنداعىلار كورسەتكىشكە لوگيستيكالىق كەدەرگىلەر سەبەپ بولعانىن ايتادى. قىتايدان كەلەتىن يمپورتتىق كولىكتەر مەن وندىرىسكە قاجەت جابدىقتار ۋاقىتىندا جەتكىزىلمەدى. وداق جەتەكشىسى انار ماقاشيەۆا ماسەلەنىڭ جىل سوڭىنا دەيىن شەشىلەتىنىنە سەنىمدى.

اۆتو جابدىقتاردى ەلدە شىعارۋ كوزدەلەدى

اۆتوموبيل وداعىنىڭ پرەزيدەنتى انار ماقاشيەۆا: «يمپورتقا تاۋەلدىلىكتى ازايتۋ ءۇشىن اۆتو جابدىقتاردى ەلىمىزدە ءوندىرۋ قاجەت»، - دەيدى. بۇل باعىتتا ون شاقتى جوبا قولعا الىنعان. وسىلايشا، ءوندىرىستى ۇزدىكسىز جۇرگىزىپ قويماي، نارىققا شىعارىلاتىن ءونىمنىڭ وزىندىك قۇنىن قولجەتىمدى ەتۋگە بولادى.

انار ماقاشيەۆا كولىكتى قۇراستىرۋشى مەن جابدىقتاردى ءوندىرۋشى اراسىنداعى بايلانىستى نىقتاۋدىڭ ماڭىزىنا توقتالدى. كلاستەرلىك ءادىس ءوندىرىس كولەمىنىڭ ارتۋىنا ىقپال ەتەدى. ءارى ينۆەستيتسيا تارتۋعا جول اشادى. سونداي- اق جاڭا جۇمىس ورىندارىن قۇرۋعا سەپ. قازىر قوستاناي مەن الماتى وندىرۋشىلەرى وسى باعىتتا جۇمىس ىستەپ جاتىر.

اۆتوموبيل وداعىنىڭ پرەزيدەنتى سالاعا قوسىمشا جۇمىس ورىندارىنىڭ اۋاداي قاجەت ەكەنىن العا تارتتى. كەلەسى جىلدىڭ وزىندە 5 مىڭ مامانعا تاپشىلىق تۋىندايدى.

انار ماقاشيەۆا، قازاقستان اۆتوكولىك وداعىنىڭ پرەزيدەنتى:

- ءبىزدىڭ سالادا ينجەنەرلەر مەن جۇمىسشى ماماندار تاپشى. 2025 -جىلدىڭ مامىرىنا دەيىن تەك ءبىر عانا كاسىپورىنعا 2,5 مىڭعا جۋىق جۇمىسشى قاجەت. بۇل تەك ءبىر عانا اۋىسىمدى جابادى. بۇگىندە بارلىق وندىرۋشىلەر ج و و- ى مەن كوللەدجدەرمەن تىعىز بايلانىس ورناتقان. دەگەنمەن، جۇمىسشى ماماندىقتار جاستاردى اسا قىزىقتىرماي وتىر. سوندىقتان مەملەكەت باسشىسىنىڭ جۇمىسشى ماماندىقتاردىڭ يميدجىن كوتەرۋ باستاماسىن تولىعىمەن قولدايمىز. ءوز تاراپىمىزدان ارنايى گرانتتار مەن الەۋمەتتىك جاعداي جاساۋعا ءازىرمىز.

قازاقستاندىق كولىكتىڭ ۇلەسى باسىم

ەلدە ساتىلعان جاڭا كولىكتىڭ دەنى وتاندىق ءونىم. قازاقستاندا جينالعان تەمىر تۇلپار قۇنى شەتەلدىك كولىكپەن سالىستىرعاندا 0- كە ارزان. شامامەن 13,6 ميلليون تەڭگە. ال ەلگە جەتكىزىلگەن جاڭا كولىكتەر 19 ميلليون تەڭگەگە ساتىلعان. بۇل بىلتىرعى سايكەس كەزەڭنەن - كە تومەن. دەسە دە، نارىقتاعى ورتاشا باعا % 11- كە وسكەن. ويتكەنى كەيبىر تۇتىنۋشىلار جاڭا تەحنولوگيامەن قامتىلعان، زامانۋاي قوزعالتقىشى بار قىمبات كولىكتەردى تاڭدايدى. جالپى كولىك قۇنىنا ۆاليۋتا باعامى مەن لوگيستيكالىق احۋال اسەر ەتەدى.