قازاقستان تاريحىنىڭ كوپتومدىعىن دايىنداۋ جونىندەگى رەداكسيا القاسىنىڭ جيىنى ءوتتى
استانا. KAZINFORM - بۇگىن الماتىدا مەملەكەتتىك كەڭەسشى ەرلان قاريننىڭ توراعالىعىمەن «قازاقستان تاريحى: ەجەلگى داۋىردەن بۇگىنگە دەيىن» اتتى اكادەميالىق جەتىتومدىقتى دايىنداۋ جونىندەگى رەداكسيا القاسىنىڭ جيىنى ءوتتى. بۇل تۋرالى اقوردانىڭ باسپا ءسوز قىزمەتى حابارلادى.
رەداكسيا القاسىنىڭ الدىندا تۇرعان باستى مىندەت - كوپتومدىقتىڭ ءماتىنىن، وعان ەنگىزىلگەن كارتالار مەن يلليۋستراتسيالىق ماتەريالداردى تۇپكىلىكتى ساراپتاۋ جانە بەكىتۋ.
القا قۇرامىندا كوپتومدىقتىڭ جەتەكشىلەرى مەن اۆتورلارى، ۇلتتىق مۋزەي، ورتالىق مەملەكەتتىك ارحيۆ، ۇلتتىق تاريحشىلار كونگرەسىنىڭ باسشىلىعى، اكادەميكتەر، تاريحشى عالىمدار، ەتنولوگيا، تاريحي گەوگرافيا، ارحيۆ ءىسى، فيلولوگيا سالالارىنداعى جەتەكشى ماماندار، سونداي-اق عىلىمي-زەرتتەۋ ينستيتۋتتارىنىڭ جانە جوعارى وقۋ ورىندارىنداعى تاريح كافەدرالارىنىڭ وكىلدەرى بار.
جيىن بارىسىندا القا جۇمىسىنىڭ جوسپارى تالقىلاندى. سوعان سايكەس ماۋسىم ايىنان باستاپ ءار تومنىڭ قولجازباسى كەزەڭ-كەزەڭىمەن مۇقيات تەكسەرىلىپ، بەتتەۋ جۇمىستارىنا جىبەرىلەتىن ءماتىننىڭ سوڭعى نۇسقاسى بەكىتىلۋى كەرەك.
ايتا كەتەيىك، ەرلان قارين تۇركىستاندا ءوتىپ جاتقان حالىقارالىق سيمپوزيۋمعا قاتىستى.