قازاقستان-قىتاي قارىم-قاتىناسى جاڭا «التىن كەزەڭگە» قادام باستى - پرەزيدەنت
استانا. KAZINFORM - مەملەكەت باسشىسى ق ح ر توراعاسىمەن كەلىسسوز جۇرگىزدى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسىنىڭ ايتۋىنشا، ق ح ر ءتوراعاسى قازاق جەرىندە قاي كەزدە دە قادىرلى قوناق سانالعان، ال ونىڭ بۇل جولعى ساپارى - شىنايى ءارى مىزعىماس دوستىعىمىزدىڭ ايقىن كورىنىسى.
- قىتاي حالىق رەسپۋبليكاسى - قازاقستاننىڭ تاتۋ كورشىسى، جاقىن دوسى جانە سەنىمدى سەرىكتەسى. سان قىرلى قازاق-قىتاي ىقپالداستىعى ءسىزدىڭ جەكە قولداۋىڭىزبەن ماڭگى ءارى جان-جاقتى ستراتەگيالىق ارىپتەستىك رۋحىندا جانە بۇرىن-سوڭدى بولماعان قارقىنمەن دامىپ كەلە جاتىر. مۇنى ەرەكشە ىقىلاسپەن اتاپ وتكىم كەلەدى. ورتاق تاريحىمىزعا مۇقيات ۇڭىلسەك، ەلدەرىمىزدىڭ اراسىندا ەشقانداي تۇيتكىلدەر نەمەسە توسقاۋىلدار بولماعان. تەك قانا ءوزارا دوستىق پەن ىقپالداستىق، تۇسىنىستىك پەن جىلى لەبىزدەر باسىم بولدى. قىتاي حالقى قازاق حالقىنا ەشقانداي زيان كەلتىرگەن جوق، - دەدى قازاقستان پرەزيدەنتى.
مەملەكەت باسشىسى ەكىجاقتى قارىم-قاتىناس جىلدان جىلعا نىعايىپ، جاڭا «التىن كەزەڭگە» قادام باسقانىن مالىمدەدى. دوستىق بايلانىس ەكى ەلدىڭ تۇراقتى الەۋمەتتىك-ەكونوميكالىق دامۋىنا جانە حالىقتاردىڭ ءال- اۋقاتىن جاقسارتۋعا زور سەپتىگىن تيگىزىپ جاتقانىنا نازار اۋداردى.
بۇعان دەيىن پرەزيدەنت قاسىم-جومارت توقايەۆ اقوردا رەزيدەنسياسىندا قىتاي حالىق رەسپۋبليكاسىنىڭ ءتوراعاسى شي جينپيڭدى قارسى العانىن جازعان ەدىك.