سونىمەن قاتار IT جانە عارىشتىق تەحنولوگيالار ەكسپورتى جاڭا دەڭگەيگە كوتەرىلدى.
ەلەكتروندىق ۇكىمەت رەيتينگى جاقساردى
قازاقستان ب ۇ ۇ- نىڭ ەلەكتروندىق ۇكىمەتتى دامىتۋ يندەكسىندە 193 ەل اراسىندا 39-ورىننان 24-ورىنعا كوتەرىلدى. وسىلايشا، ەلدىڭ كورسەتكىشى 15 پوزيتسياعا جاقسارعان.
ەلەكتروندىق ۇكىمەتتىڭ دامۋى مەملەكەتتىك قىزمەتتەردىڭ سيفرلىق فورماتتا ۇسىنىلۋىن كەڭەيتىپ، ازاماتتاردىڭ ونلاين سەرۆيستەردى پايدالانۋ مۇمكىندىگىن ارتتىردى.
IT ەكسپورتى 38 ەسەگە ارتتى
قازاقستاننىڭ IT ونىمدەرى مەن قىزمەتتەرىنىڭ ەكسپورتى 2019-جىلعى 30 ميلليون دوللاردان 2026-جىلى 1,142 ميلليارد دوللارعا دەيىن ءوستى. ونىڭ ىشىندە Astana Hub كورسەتكىشى 633 ميلليون دوللاردى قۇرادى.
بۇل IT سالاسىنىڭ تەك ىشكى قاجەتتىلىكتەردى قامتاماسىز ەتەتىن باعىتتان حالىقارالىق نارىققا شىعاتىن ەكسپورتتىق سەكتورعا اينالىپ كەلە جاتقانىن كورسەتەدى.
عارىش تەحنولوگيالارى ەكسپورتى پايدا بولدى
عارىشتىق تەحنولوگيالار ەكسپورتى دا جاڭا كورسەتكىشكە جەتتى. 2019-جىلى بۇل باعىتتاعى ەكسپورت كولەمى نولگە تەڭ بولسا، 2026-جىلى 70 ميلليون دوللارعا دەيىن وسكەن.
وسىلايشا، سيفرلىق تەحنولوگيالارمەن قاتار قازاقستاننىڭ عارىش سالاسىنداعى تەحنولوگيالىق الەۋەتى دە ەكسپورتتىق باعىتقا يە بولا باستادى.
ينتەرنەتپەن قامتۋ 98 پايىزعا جەتتى
قازاقستاندا ينتەرنەت ينفراقۇرىلىمىنىڭ كورسەتكىشتەرى دە جاقسارعان. 2019-جىلى حالىقتىڭ ينتەرنەتپەن قامتىلۋ دەڭگەيى 84 پايىز بولسا، 2026-جىلى بۇل كورسەتكىش 98 پايىزعا جەتتى.
ورتاشا ينتەرنەت جىلدامدىعى 21 مبيت/س- تان 88- 94 مبيت/س- قا دەيىن ءوستى. سونىمەن قاتار ەلدە بەسىنشى بۋىن - 5G بايلانىسىن ەنگىزۋ جۇمىستارى جالعاسىپ جاتىر.
سيفرلىق مەملەكەتتىك قىزمەتتەر كوبەيدى
سيفرلاندىرىلعان مەملەكەتتىك قىزمەتتەردىڭ ۇلەسى 80 پايىزدان 91 پايىزعا دەيىن ارتقان. قازىر سيفرلىق مەملەكەتتىك قىزمەتتەردىڭ 96 پايىزى سمارتفون ارقىلى قولجەتىمدى.
بۇل مەملەكەتتىك قىزمەتتەردى موبيلدى قۇرىلعىلار ارقىلى الۋدىڭ كەڭەيگەنىن كورسەتەدى.
قولما-قول اقشاسىز تولەمدەر كولەمى 14 ەسەگە ءوستى
سيفرلىق ەكونوميكانىڭ ماڭىزدى كورسەتكىشتەرىنىڭ ءبىرى - قولما-قول اقشاسىز تولەمدەر.
2019-جىلى ولاردىڭ كولەمى 13,3 تريلليون تەڭگە بولسا، 2026-جىلى 186,3 تريلليون تەڭگەگە جەتتى. ياعني جەتى جىل ىشىندە كورسەتكىش 14 ەسەگە ارتقان.
سيفرلاندىرۋ ەكونوميكانىڭ جاڭا درايۆەرىنە اينالۋدا
2019-2026-جىلدارداعى كورسەتكىشتەر سيفرلاندىرۋدىڭ مەملەكەتتىك قىزمەتتەردى ونلاين فورماتقا كوشىرۋمەن عانا شەكتەلمەگەنىن كورسەتەدى.
ينتەرنەت ينفراقۇرىلىمىنىڭ كەڭەيۋى، ەلەكتروندىق مەملەكەتتىك قىزمەتتەردىڭ دامۋى، قولما-قول اقشاسىز تولەمدەردىڭ ءوسۋى جانە IT مەن عارىشتىق تەحنولوگيالار ەكسپورتىنىڭ قالىپتاسۋى قازاقستاننىڭ تەحنولوگيالىق دامۋ باعىتىنىڭ كەڭەيگەنىن اڭعارتادى.
وسى كەزەڭدە سيفرلاندىرۋ ىشكى جاڭعىرتۋ تەتىگىمەن قاتار ەكونوميكالىق وسىمگە، تەحنولوگيالىق قۇزىرەتتەردى دامىتۋعا، ەكسپورت كولەمىن ۇلعايتۋعا جانە حالىقارالىق نارىقتاعى باسەكەگە قابىلەتتىلىكتى ارتتىرۋعا ىقپال ەتەتىن باعىتتاردىڭ بىرىنە اينالىپ وتىر.